یەکێک بووە لەپێشمەرگەی مەفرەزە سەرەتاییەکانی شۆڕشی نوێ. لەدایکبووی ساڵی 1942ی شارەدێی کەڵەکی یاسین ئاغا سەر بەشارۆچکەی حەمدانیەیە لەموسڵ، لەبەر هەژاری و نەداری نەیتوانی خوێندن تەواوبکات، بەلام بەهۆی زیرەکی و لەخۆبردوویی توانی فێری خوێندن و نووسینی کوردی ببێت، پاشان فێری زمانی عەرەبیش بوو. (شەهید)لەهەڕەتی لاویدا خولیای کوردایەتی و خەمخۆری نەتەوەکەی بوو، بۆیە لەساڵی (1967) پەیوەندیکردووە بەشۆڕشی ئەیلولەوە لەسنوری دەشتی #هەولێر#و دواتر بۆتە جێگری فەرماندەی مەفرەزە تا هەرەسی (1975)، پاشان پەیوەندیکردووە بەڕیزەکانی بزووتنەوەی سۆشیالیستی کوردستان، ساڵی (1976) پەیوەندیکرد بەشۆڕشی نوێوەو پێشمەرگەیەکی خۆشەویست بووە لەناو خەڵک و هەڤاڵەکانیدا، پلەکانی پێشمەرگایەتی بڕیوە تا فەرماندەی مەفرەزە لەکەرتی شەهید قادر مستەفا لەسنوری هەرێمی (8)ی دەشتی هەولێرو بەشداری شەڕەکانی دۆڵی سماقولی، چیای باواجی و ئیلینجاغ و دەشتی هەولێرو شەڕەکانی (بەستی شەرغە، قەشقەو خوڕخوڕ، کەلی سور)و چەندین نەبەردی تری کردووە بەشاهیدی شەهیدانی سەرکردە (شاخەوان عەباس و بەهرۆز قەشقە کە باسی جوامێری و قارەمانێتی شەهید (عەزیز کەڵەکی)یان کردووە، بەلام مخابن ڕۆژگار دەرفەتی نەدا لەوەزیاتر درێژەبدات بەخەباتی سیاسی و پێشمەرگایەتی، دوژمنانی گەلی کوردیش بەردەوام لەپیلانگێڕان بوون لەدژی، بۆیە ڕۆژی (24-09-1979) لەگوندی (سارتک)ی سنوری بەستی شەرغە بەدەستی پیاوانی بەعس لەبۆسەیەکدا بەنامەردی، فەرماندەو خەباتگێڕی کوردایەتی(عەزیز کەلەکی) شەهیدکراو چووە کاروانی شەهیدانی خەباتی ڕێگەی گەلی کوردی ستەمدیدە).
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 2,695 gånger