ساڵی (1956) لەگوندی بارۆیی بازیان چاوی بۆ کوردستان هەڵهێناوە، لەساڵی (1976) پەیوەندیکردووە بەڕێکخستنەکانی کۆمەڵەی ڕەنجدەرانی کوردستانەوە، ساڵی (1977) چەکی شەرەف و پێشمەرگایەتی لەهەرێمی (5)ی قەرەداغ دەکاتە شانی و دەبێتە نموونە پێشمەرگەی ناوچەکە، ساڵی (1981) دەبێتە فەرمادەی کەرتی دووی بازیان و لەژیانی پێشمەرگایەتی چەندینجار بەسەختی برینداردەبێت لە #27-02-1982# لەگەڵ (3) هاوسەنگەریدا (بەکری خەمە، عەول شێخ وەساڵی، نوری هومرزیاری) لەشاخی دارۆغا پاش شەڕێکی سەخت و بەرگرییەکی زۆر بەرامبەر جاش و سەربازو چەندین فڕۆکە، گەورەترین شەرەفیان پێدەبەخشرێت و شەهیددەبن.