بەداخەوە ڕۆژی یەکشەممە 24-01-2016 ، کاک موزەفەر ئەدەب، هەڵسوڕاوی سیاسیو تێکۆشەری پێشووی کۆمەڵە لەشاری پاریس ماڵئاوایی لەژیان کرد.
موزەفەر ئەدەب لە بنەماڵەیەکی بەناوبانگو خۆشناوی شاری سنە لەدایک بوو و لەسەرەتای شۆڕشی گەلانی ئێران، یەکێک لە هەوادارانو تێکۆشەرانی کۆمەڵە بوو. کاک موزەفەر کەسایەتییەکی هۆشیارو خەباتکار، ئەندامی وەفدی بەڕێوەبەریو دامەزرێنەری کۆمەڵەی کوردانی فەرانسە بوو و لە زۆربەی ناڕەزاییو خۆپیشاندانەکان دژی کۆماری ئیسلامیو دژی لەسێداردەانی لاوان، چالاکانە بەشداربوو.
ئەمرۆ 30-01-2016 تەرمی کاک موزەفەر ئەدەب لەشاری پاریس لە ئاپۆرای کوردانی فەرانسەو بنەماڵەو کەسوکاری بە خاک دەسپێردرێت. بەم بۆنەوە سەرەخۆشی خۆمان ئاراستەی بنەماڵەو کەسوکاری کاک موزەفەرو هەموو هاوڕێیانو خەڵکی قارەمانی شاری سنە دەکەین.
یادی بەرزو بەرێز بێت
کۆمیتەی ناوەندیی کۆمەڵەی زەحمەتکێشانی کوردستان
30-01-2016
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 8,598 جار هاتیە دیتن
ڕایا خو دەربارەی ڤی بابەی بنڤێسە!