نێردەی نەتەوەیەکگرتووەکان لە عیراق ڕایگەیاند، لەماوەی 22 مانگی ڕابردوودا نزیکەی 19 هەزار هاوڵاتی مەدەنی عیراقی کوژراون، بەهۆی پەرەسەندنی تووندوتیژییەکان و شەڕی نێوان هێزە حکومییەکان و ڕێکخراوە چەکدارەکانەوە، زیاتر لە سێ ملیۆن کەسیش لەهەمان ماوەدا ئاوارەبوون.
لە ڕاپۆرتێکیدا، کە نێردەی نەتەوەیەکگرتووەکان بەبەشداری نووسینگەی ڕێکخراوی مافی مرۆڤ لەژنێف ئامادەی کردووە، ڕایگەیاندووە: " پەرەسەندنی شەڕی نێوان داعش و هێزەکانی حکومەتی عیراق و میلیشیا چەکدارەکان، لەسەرەتای 2014ەوە تا کۆتایی 2015، بووەتەهۆی کوژرانی نزیکەی 18،802 هاوڵاتی مەدەنی عیراقی، دوو هێندەی ئه و ژمارەیەش هاوڵاتی مەدەنی برینداربوون".
راپۆرتەکە، ئاماژەی بەوەشکردووە کەنزیکەی 3500 کەس کە زۆربەیان لەژن و منداڵی ئێزدی پێکهاتوون، لەلایەن تیرۆریستانی داعشەوە دەستگیرکراون و هەندێک لەژنەکانیشیان وەکو کۆیلە فرۆشراون.
هەروەها ڕاپۆرتەکە باس لە ڕەفتارە دڕندانەکانی تیرۆریستانی داعش و دەڵێت دەچنە "خانەی تاوانی جەنگ و تاوانی دژ بە مرۆڤایەتی و جینۆسایدەوە".
- 19-01-2016
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 5,421 gånger
Skriv din kommentar om den här artikeln !