دوێنی لە هەندێک سەرچاوەی ڕاگەیاندن، چەند هەواڵ و گرتەی ڤیدیۆیی بڵاو کراونەتەوە سەبارەت بە شەهیدکردنی ژمارەیەک پێشمەرگەی بەدیلگیراو لەلایەن ڕێکخراوی تیرۆریستی داعش.
سەرەڕای ئەوەی تا ئێستا ڕاستیی هەواڵەکە پشتڕاست نەکراوەتەوە و بەدواداچوون و لێکۆلینەوە بەردەوامە لەلایەن دامەزراوە پەیوەندیدارەکانی هەرێمی کوردستان بۆ وەرگرتنی زانیاری دروست لەسەر ئەم بابەتە، بەڵام ئەنجامدانی ئەم جۆرە کردەوە نامرۆڤانەیە پێشبینیکراوە لەلایەن تیرۆریستانی داعش، و لە ڕابردووش نموونەی ئەم تاوانانە هەبووە.
خەلکی کوردستان دڵنیا دەکەینەوە کە تیرۆریستانی داعش و هەموو ئەوانەی کە دەستیان هەیە لە ئەنجامدانی ئەم تاوانانە دژ بە پێشمەرگە و دیلەکانی کوردستان، ڕزگار نابن لە سزای عادیلانەی گەلی کوردستان.
سەرۆکایەتی هەرێمی کوردستان
01-10-2015
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 3,853
Donnez votre avis sur ce produit!