- بەرەبەیانی ئەمڕۆ، چەند دەستەیەکی یەکینەکانی پاراستنی گەل YPG چوونەتە ناو شارۆچکەی گرێسپی لەنێوان هەردوو کانتۆنی جەزیرێ و کۆبانێ لەرۆژئاوای کوردستان و چاوەڕوان دەکرێت لە 24 کاژێر داهاتوودا، هێزەکانی YPG و بورکانی فورات(هێزێکی هاوبەشی یەکینەکانی پاراستنی ژنان و یەکینەکانی پاراستنی گەل) لەدیوی کۆبانێ لەگەڵ هێزەکانی دیکەی YPG لەدیوی جەزیرێ و لەسەنتەری گرێسپی یەکبگرنەوە.
- وتەبێژی کۆمسیۆنی باڵای سەربەخۆی هەڵبژاردن و ڕاپرسی لە کوردستان، ڕایگەیاند ئەو وادەیەی بارزانی بۆ هەڵبژاردنی سەرۆکی هەرێم دیاریکردوە کەمە ئاشکراشیکرد کە لە 48 سەعاتی داهاتوودا وەڵامی سەرۆکایەتی هەرێم دەدەنەوە.
- پێنج ئەندامی ڕێکخراوی تیرۆرستی داعش کە هەر پێنجیان بە ڕەگەز عەرەبن بە چەکەکانیانەوە خۆیان ڕادەستی هێزەکانی ئاسایشی گەرمیان کرد.
- بەڕێوەبەری بەنداوی دەربەندیخان ئاشکرای دەکات ڕۆژانە حەوت سانتیم ئاو کەمدەکات ئەو کەمبونەوەیەش تا چوار مانگی دیکە بەردەوام دەبێت لەچەند مانگی داهاتوشدا بەڕێژەی 14مەتر ئاو کەم دەکات.
- لە دوو ڕووداوی جیاوازدا لە شاری کەرکووک تەرمی هاوڵاتییەک لە گۆرستانێکدا بە کوژراوی دۆزرایەوه و لە ڕواوێکی دیکەدا کەسێک بە چەقۆ کوژرا، سەرچاوەیەکیش ڕایدەگەیەنێت، کێشەکە کۆمەڵایەتییە و سێ کەس دەستگیرکراون لەسەر ڕووداوەکە.
- جێگری سەرۆکی فراکسیۆنی پارتی دیموکراتی کوردستان لە پەرلەمانی کوردستان ڕایدەگەیەنێت کە پرۆژەی فراکسیۆنی گۆڕان سەبارەت بە پرسی سیستەمی سیاسی و سەرۆکایەتی هەرێم دەستپێکی شکستهێنان بوو بە سازان لەنێوان لایەنەکانی ناو پەرلەمانی کوردستان، جەختیش لەوە دەکاتەوە کە مەسعود بارزانی دەتوانێت خۆی بۆ پۆستی سەرۆکی هەرێم کاندید بکاتەوە.
- کاتژمێر 9:47 خولەک بوومەلەرزەیەک بە گوڕی 3.1 پلەی ڕێختەر بە دووری 16 کیلۆمەتر لە باشووری ڕۆژهەڵاتی خانەقین ڕووی دا بەبێ ئەوەی هەستی پێ کرابێت.
کوردیپێدیا، ڕۆژانە (بێلایەنانە) مێژووی کوردستان تۆماردەکات... 出来事の年表