وەزارەتی دەرەوەی ئەمریکا، کوژرانی 10 هەزار چەکداری ڕێکخراوی تیرۆریتسی داعشی لە ماوەی نۆ مانگی ڕابردوودا لە هێرشە ئاسمانییەکانی هاوپەیمانی نێودەوڵەتیدا بۆسەر مۆڵگەکانی ئه و ڕێکخراوە توندڕەوە لە عیراق و سوریادا، ڕاگەیاند.
ئەنتۆنی بلینکن جێگری وەزیری دەرەوەی ئە مریکا ڕایگەیاند: "لە سەرەتای دەستپێکردنی هەڵمەتی هێرشە ئاسمانییەکانی هاوپەیمانان، داعش زیانی زۆری پێگەیشتووە و زیاتر لە 10 هەزار چەکداری ئه و ڕێکخراوە توندڕەوە، کوژراون".
بلینکن وتیشی: "داعش بۆ نۆ مانگ دەچێت، دەستی بەسەر 25%ی خاکی عیراقدا گرتووە، بەڵام له و ماوەیەدا، هاوپەیمانی نێودەوڵەتی، زۆرێک لە چەک و تەقەمەنی ئه و ڕێکخراوەی تێکشکاندووە و ژمارەیەکی زۆری چەکدارەکانیشی لەناوبردووە".
دوێنێ سێ شەممە، بلینکن بەشداریی کرد لە کۆبوونەوەی هاوپەیمانی نێودەوڵەتی لە دژی داعش کە لە پاریسی پایتەختی فەرەنسا سازکرا و تێیدا وڵاتانی بەشدار، پشتگیریی و پشتیوانی خۆ یان بۆ ئه و پلانە سەربازییە دەربڕی کە حەیدەر عەبادی سەرۆک وەزیری عیراق بۆ کۆنترۆڵکردنەوەی هەردوو پارێزگای ئەنبار و نەینەوا، پێشنیاری کرد.
- 03-06-2015
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 14,660
Γράψτε το σχόλιό σας για αυτό το προϊόν!