بەپێی ئامارێکی ساڵی ڕابردوو کەپێش بەرپابوونی شەڕی داعش ئەنجامدراوە دەریدەخات کە ژمارەی بێوەژنان لە عیراق گەیشتۆتە یەک ملیۆن و 500 هەزار، مەزەندەش دەکرێت ئەم ژمارەیە بۆ 2 ملیۆن بەرز بوبێتەوە.
بەپێی ئامارێکی ساڵی ڕابردوو کەپێش بەرپابونی شەڕی داعش ئەنجامدراوە دەریدەخات کە ژمارەی بێوەژنان لە عیراق گەیشتۆتە یەک ملیۆن و 500 هەزار، بەپێی ئامارەکانی وەزارەتی کارو کاروبای کۆمەڵایەتی حکومەتی هەرێمی کوردستانیش نزیکەی 45 هەزار بێوەژن لە هەرێمی کوردستاندا هەن.
له و 45 هەزار بێوەژنەی کە لە هەرێمی کوردستاندا هەن 19 هەزار و 600 بێوەژن لە سنوری پارێزگای هەڵەبجە و سلێمانین و 15 هەزار بێوەژن لە سنوری پارێزگای هەولێر و 3 هەزارو 643 بێوەژنیش لە پارێزگای دهۆکن.
له و بارەیەوە، بەیان نوری، وەزیری دەوڵەتی عیراق بۆ کاروباری ژنان ڕایگەیاند: ژمارەی بێوەژنانی عیراق بە بەراورد بە ژمارەی بێوەژنانی وڵاتانی دراوسێ زۆر زۆرە، زۆر بونی ئه و ژمارەیەی بێوەژنانیش بۆ نا سەقامگیری دۆخی سیاسی و ئەمنی عیراق دەگەڕێتەوە.
رێزان شێخ دلێر، ئەندامی لیژنەی خێزان و منداڵ لە ئەنجومەنی نوێنەرانی عیراق دەڵێت: مەزەندە دەکەم بەهۆی شەڕی داعشەوە نزیکەی نیو ملیۆن ژنی دیکە بێوەژن بن.