دیسان رۆژە رەشەکە نزیک بووەوە! رۆژی دامەزراندنی کوشت و کوشتاری کورد، رۆژی دامەزراندنی ئەنفالئەنفالی نوێ! رۆژی دامەزراندنی سوپای رەش و کوردکوژی داگیرکەری ئێڕاقی.
کاتی کەس بەباسکردنی کارە دژبە کورد و نامرۆڤایەتییەکانی ئەم سوپا رەشەوە ناکوژم و هەموو کەس لە من زۆر باشتر دەزانێت سوپای داگیرکەری ئێڕاقی چیی کردووە و چیی تر دەکات بەرامبەر بە کورد، بەڵام ئەوەی دەمەوێت بیڵێم کە پشووی فەڕمی بەبۆنەی ئەو رۆژە رەشەوە تیپەڕاندنی یەک لە هێڵە سوورەکانمانە و تاوەکو ئێستا بیست جار لە دوای رزگاربوونی بەشێکی باشووری کوردستاندا ئەو هێڵە سوورەمان تێپەڕاندووە!
پەڕڵەمانی کوردستان دەبووایە هەر لە سەرەتای دامەزراندنییەوە، ئەم پشووەی هەڵبوەشاندایەتەوە! دەبێت جیاوازیی نێوان شەشی کانوون و هەفتی نیسان و هەموو بۆنە دژبە کوردەکانی تر چی بن؟!
من دەمێکە باوەڕم بە دەستەڵاتی کوردی نەماوە کە ئەم پشووە لە کوردستاندا هەڵبوەشێنێتەوە و رۆژی شەشی کانوون بکاتە هەر رۆژێکی ئاسایی کاری دامودەزگا فەڕمییەکان، یان بیکاتە رۆژی رەش لە مێژووی کوردستاندا! هەربۆیە پێشنیازێکی تر دەکەم کە خەڵکی گوێ نەدەنە ئەم پشووە و وەک هەر رۆژێکی ئاسایی رەفتاری لەگەڵدا بکەن، بەوەی بۆ نموونە، خوێندکاران وەک هەر رۆژێکی تر بەرەو فێرگە و زانکۆکانیان بڕۆن، مامۆستایان دەرگای پۆلەکانیان بکەنەوە، فەرمانبەران بچنەوە فەرمانگەکانیان..
ئەگەر هەر ساڵێک چەند خوێندکارێک و چەند مامۆستایەک و فەرمانبەرێک ئەم تەلیستمە بشکێنن، ئەوا دڵنیام دەبێتە دیاردە و هەر ساڵێک ژمارەی دژەپشووی ئەم رۆژە رەشە زۆرتر دەبیت..
کێ دەڵێت، بەڵکو دەستەڵاتی کوردی بەهۆی ئەم هەڵوێستەوە وەخەبەر بێت و پەی بەوە بەرێت کە رۆژی شەشی کانوون، رۆژی شکاندنی کەرامەتی نەتەوەییمان بوو، رۆژی کاولکردنی کوردستان و لاقەکردنی دایک و خوشک و کچمان بوو لەلایەن سوپای عەرەبیی داگیرکەری ئێڕاقەوە...
هاوڕێ باخەوانهاوڕێ باخەوان
06-01-2013

⁉️ تایبەتمەندییەکانی بابەت - Meta-data
🏷️ پۆل:	📖 کورتەباس
🏳️ زمانی بابەت:	🏳️ کوردیی ناوەڕاست
📅 رۆژی دەرچوون:	06-01-2013
📙 پەڕتووک - کوورتەباس	☀️ دۆزی کورد
📄 جۆری دۆکومێنت	⊶ زمانی یەکەم
🌐 زمان - شێوەزار	🏳️ کرمانجیی ناوەڕاست
⁉️ تایبەتمەندییە تەکنیکییەکان ©️ خاوەنی ئەم بابەتە بەسوپاسەوە، مافی بڵاوکردنەوەیی بە کوردیپێدیا بەخشیوە! یان بابەتەکە کۆنە، یاخود بابەتەکە موڵکی گشتییە. ✨ کوالیتیی بابەت: 99% ✔️ 99% ✖️  30%-39% خراپ 👎 ✖️  40%-49% خراپ ✖️  50%-59% خراپ نییە ✔️  60%-69% باش ✔️  70%-79% زۆر باشە ✔️  80%-89% زۆر باشە 👍 ✔️  90%-99% نایاب 👏 ✔️ ➕ ئەم بابەتە لەلایەن: (هاوڕێ باخەوان)ەوە لە: Mar 20 2015 11:14AM تۆمارکراوە ✍️ ئەم بابەتە بۆ دواجار لەلایەن: (بەناز جۆڵا)ەوە لە: Jan 5 2018 11:38AM باشترکراوە ☁️ ناونیشانی بابەت 🔗 🔗 👁 ئەم بابەتە 10,199 جار بینراوە

📚 فایلی پەیوەستکراو - ڤێرشن
جۆر	ڤێرشن	💾	📖	🕒	📅	👫 ناوی تۆمارکار
📷 فایلی وێنە	1.0.1	33 KB			Jan 5 2018 11:37AM	بەناز جۆڵا