هەر وەک هەمووان ئاگادارن لەم مانگەدا هەواڵی پرۆسەی ئاشتی لە تورکییە بە فراوانی بڵاو بۆوە وە بە دوای چەند مانگ پەیوەندی و وتووێژ لە نێوان کاربەدەستانی دەوڵەتی تورکیە و بەرێز عەبدوڵڵا ئۆجالان سەرۆکی بەندکراوی پارتی کرێکارانی کوردستان، ناوبراو لە نەورۆزی ئەمساڵدا داوای لە حیزبەکەی کرد ئاگربەس ڕاگەیەنێت و لە پرۆسەیەکی کورت ماوەدا کۆتایی بە خەباتی چەکداری بێنێت. بە پەسەند کردنی ئەم هەڵوێستە و جێبەجێ کردنی لە لایەن پارتی کرێکارانی کوردستانەوە قۆناغێکی تازە لە پەیوەندی نێوان کورد و حکوومەتی تورکیە دەستپێدەکا.
ئێمە لە درێژەی ئەو پرەنسیپە کە هەر کام لە پارچەکانی کوردستان خاوەنی تایبەتمەندیی خۆیانن و بۆیان هەیە خۆیان بریار لە سەر داخوازییەکانیان و شێوازی خەباتیان بدەن و بە لێکدانەوەی بارودۆخەکە و بە لەبەرچاو گرتنی ئەو ڕەوتەی کۆمەڵگای تورکییە تێیدا تێپەر دەبێ و ئەو کرانەوە سیاسییەی کە تا ڕادەیەکی زۆر ڕێگەی خەباتی سیاسی و مەدەنی بۆ هەمووان و لەوانە بۆ گەلی کوردیش فەراهەم کردووە، کۆتایی هێنان بە شەر و تووندوتیژی و چوونە ناو قۆناغی خەباتی سیاسی و مەدەنی بە هەنگاوێکی پۆزێتیڤ هەڵدەسەنگێنین و ڕێز لە ئیرادە و بریاری خەڵک و هێزە سیاسییەکانی کوردستانی تورکیە دەگرین.
کۆمەڵەی شۆڕشگێڕی زەحمەتکێشانی کوردستانی ئێران
20ی خاکەلێوەی 1392ی هەتاوی
10ی ئاوریلی 2013
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 9,162 keer bekeken