عەلی ناجی
ئەندامێکی پەرلەمانی عیراق لەپارێزگای دهۆک ئاشکرایدەکات، ژمارەی دانیشتوانی شاری دهۆک نیوەی ژمارەی ئاوارەکانە و دوو ئەوەندەی خەڵکی ئه و شارە ئاوارەی تێدا نیشتەجێیە.
جەمال کۆچەر بەسایتی خەندانی ڕاگەیاند: ژمارەی دانیشتوانی شاری دهۆک 325 هەزار کەس دەبن، بەڵام ئاوارەکان 600 هەزاریان تێپەڕاندووە.
وتیشی: "لەوکاتەوەی مانگرتنەکانی پارێزگای ئەنبار لەساڵی 2013 دەستیپێکردووە، ژمارەیەکی زۆر عەرەبی ئه و پارێزگایە لەشاری دهۆک نیشتەجێبوون".
بەوتەی جەمال کۆچەر پەرلەمانتاری یەکگرتوو لەپەرلەمانی عیراق، ژمارەی دانیشتوانی پارێزگای دهۆک بەگشتی، یەک ملیۆن و 200 هەزار کەسە، بەڵام کۆی ئاوارە عیراقی و ئێزدی و سورییەکان ژمارەیان یەک ملیۆن و نزیکەی 100 هەزار کەس دەبێت.
- 30-09-2014
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 5,259