Rojen Barnas (Berfenbar 1944 an li Farqînê), şanenavê Mehmet Gemici ye ku helbestvanekî kurd e.
Rojen Barnas ji Farqînê ye û di salên 60î de dest bi nivîsandina kurdî kiriye. Di dawiya heftêyan de bi hin hevalên xwe re Kovara Tîrêj derxist, her di wan salan de pirtûkeke şiîran bi navê Li bandeva spêde weşand. Barnas bi wê pirtûka xwe riyeke nû di şiîra kurmancî de vekir û tesîr li gelek şaîrên nû kir. Rojen Barnas mîna gelek rewşenbîrên kurd mecbûr ma ku welatê xwe terk bike û piştî 80yî li Swêdê bi cih bû. Wekî din Rojen Barnas di kovarên mîna Tîrêj, Hêvî û Nûdemê de gelek nivîs nivîsandine.
Wî bi gelek navên cihê di mijarên cihê de nivîs nivîsandine. Barnas heta niha ev pirtûk weşandine;
Berhem
Li bandeva spêde, helbest, weşanên Tîrêj, 1979
Heyv li esmanê Diyarbekirê helbest, 1983
Hingê kurteçîrok, weşanên Nûdem, 1997
Milkê Evînê, helbest, weşanên Nûdem, 1995
Şiîr -1- (berhevoka du pirtûkên wî ne) weşanên Nûdem, 2002
Bi Kurmanciya Gewr bend û nivîs, weşanên Nûdem, 2005
Kadiz Hemû helbest û Yelda, weşanên Nûbihar, 2013