- بە فەرمانی ڕاستەوخۆی باڵاترین دەسەڵاتی سیاسیو سەربازیی ئەو دەمەی تورکیا، لە قەزای (ئۆزالپ) ی سەر بە ویلایەتی (وان) ژمارەیەک هاووڵاتی کوردی بێتاوانی گوندنیشین ناوچەکە دەستگیرکرانو بەدەستبەسەری بەرەو دۆڵی (کۆکوت) بران و بەفەرمانی سەرلەشکر (مستەفا موغلالی) بەدەستو چاو بەستراوی گوللەباران کرانو بە ناهەق شەهیدکران. ئەم ڕووداوە کەبە (ڕووداوەکەی ئۆزالپ یان ڕووداوەکەی موغلالی) ناودەبرێ لە مێژووی کوردا بە ڕووداوی (سی و سێ گوللە) ناسراوە.