- لە هەردوو گەڕەکی وەحدە و تەجنید شەڕێکی قورس لە نێوان هێزەکانی پێشمەرگەی کوردستان و چەکدارەکانی داعش ڕوویدا. شەڕەکە 7 کاژیری خایاند و تەواوی ناحیەکە کەوتە دەست هێزەکانی پێشمەرگەی کورستان. بەهۆی ئەو شەڕەوە، زیاتر لە 6 پێشمەرگە برینداربوون و پێشمەرگەیەکیش شەهیدبوو.
- ژمارەیەکی زۆری ئاوارە مەسیحیەکان بە درووشمی کۆتایی هێنان بەو زووڵم و داگیرکارییەی لە موسڵ بەرامبەریان دەکرێت، مەسیحیەکانی عەینکاوا بە ڕێپێوان و ناڕەزایی بەرەو بارەگای نەتەوەیەکگرتووەکان دێن.
- فوئاد مەعسوم بە زۆرینەی دەنگ لە پەڕڵەمانی ئێڕاق بە سەرۆک کۆماری داگیرکەری ئێڕاق هەڵبژێردرا، بەمشێوەیە نێوبراو بووە دووەم سەرۆک کۆماری کورد لە ئێڕاقدا.
- بان کی مۆن، سەرۆکی ڕێکخراوی نەتەوە یەکگرتووەکان سەردانی هەولێری کرد.
- چەکدارانی داعش هێرشیانکردە سەر جەلەولا بۆ داگیرکردنەوەی ئەو شوێنانەی لەدەستیاندابوو، سەرئەنجام هەشت پێشمەرگە شەهید بوون و پێشمەرگەیەکی دیکەی دژە تیرۆریش بەهۆی ڕووداوی هاتوچۆ گیانی لەدەستدا.