- لەسەر ڕێگای نێوان کەلار - جەلەولا، بۆمبێک بە ژمارەیەک پۆلیسدا دەتەقێتەوە کە لە بازگەیەکدا بوون، بەو هۆیەوە چوار پۆلیس برینداربوون.
- لە قەڵادزێ، گەنجێک دوو برای خۆی کوشت و دواتر خۆشی کوشت.
- دوای 10 ڕۆژ لە ڕفاندنیان تەرمی دوو کوردی شەبەک دۆزرانەوە.
- وتەبێژی فەرمی یەکینەکانی پاراستنی گەل(یەپەگە) ڕایدەگەێنێت، چەکدارانی دەوڵەتی ئیسلامی لە عیراق و شام(داعش) لە شەڕ و پێکدادانی هەرێمی کۆبانێ چەکی کیمیایان بەکارهێناوە و بانگەوازی هەستیاری لە ڕێکخراوەکانی مافی مرۆڤی نێودەوڵەتی کرد.
- خۆکوژێک خۆی و ئۆتۆمبیلە بارهەڵگرەکەی بە بارەگای فەوجی یەکی هێزەکانی پێشمەرگە لە ناحیەی قەرەتەپە دەتەقێنێتەوە و بە هۆیەوە پێشمەرگەیەک شەهید بوو لە گەڵ برینداربوونی 10 پێشمەرگەی تردا، هاوکات ئۆتۆمبیلێکی تر لە ناو شارۆچکەی قەرەتەپە دەتەقێتەوە و چوار برینداری لێدەکەوێتەوە.
- ڕێکخراوی دەوڵەتی ئیسلامی (داعش) هەردوو تەقینەوەکەی گرتە ئەستۆی خۆی و ڕایگەیاند، کە لە ڕیێگەی دوو کەسی بیانییەوە، ئەنجامدراون.
- ژمارەیەک چەکدار کە جلی سەربازی عیراقییان لەبەر بووە، هەڵدەکوتنە سەر بارەگای ڕۆژنامەی "تەئاخی" سەر بە پارتی، کە لە بەغدا بە زمانی عەرەبی دەر دەچێت.
- بەمەبەستی بەرگریکردن لە کۆبانێ لە هێرشی چەکدارانی داعشـ سەدان کورد لە باکووری کوردستانەوە چوونە ڕۆژئاوای کوردستان.