نێردەی نەتەوە یەکگرتوەکان لە عێراق ڕایگەیاند، بەهۆی کردەوە تووندوتیژییەکانەوە تەنها لەماوەی مانگی ئایاری ڕابردوودا زیاتر لە 2900 کەس لە عێراق کوژراون و برینداربوون، بەغدای پایتەختیش لە هەموو پارێزگاکانی دیکە زەرەرمەندتربووە. نێردەی نەتەوە یەکگرتوەکان لە عێراق (یۆنامی) لەبەیاننامەیەکدا ڕایگەیاند: "ژمارەی کوژراوانی مانگی ئایاری ڕابردوو لە عێراق گەیشتە 799 کەس، کە ئەمەش بەرزترین ڕێژەی پێنج مانگی ڕابردووە، لەو ژمارەیە 603 کەسی سڤیل و 196 کەسیشیان سەر بە دەزگا ئەمنییەکانن، هەروەها 1409 کەسیشیان برینداربوون کە 1108 کەسی سڤیل و 301 کەسیشیان هێزی ئەمنین". وەک لە بەیاننامەکەدا هاتووە، تەنها لە شاری بەغدا 315 کەس کوژراون و 617 کەسیش برینداربوون، لە پارێزگای نەینەواش 313 کەس کوژراون و 248 کەسیش برینداربوونە، لە پارێزگای سەڵاحەدین 94 کەس کوژراون و 146 کەس برینداربوونە، لە پارێزگای دیالە 38 کەس کوژراون و 28 کەس برینداربوونە و لە پارێزگای کەرکووکیش 22 کەس کوژراون و 60 کەسیش برینداربوونە". بەپێی بەیاننامەی نێردەی نەتەوە یەکگرتوەکان دوا ئاماری کوژراوانی مانگی نیسانی ڕابردوو 750 کەس بووە. نێردەی نەتەوە یەکگرتووەکان ئاشکراشیکرد کە ئەم ژمارەیە کوژراو و بریندارانی ئۆپەراسیۆنە سەربازییەکەی سوپای عێراق لە پارێزگای ئەنبار ناگرێتەوە". بە مەبەستی دەرکردنی چەکدارانی سەربەرێکخراوی دەوڵەتی ئیسلامی لە عێراق و شام ناسراو بە(داعش) حکومەتی عێراق ئۆپەراسیۆنێکی سەربازی فراوانی بە درێژایی سنووری ئەنبار سووریا ئوردون دەستپێکردوەو تاوەکو ئێستاش بەردەوامە.
- 02-06-2014
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 4,332 keer bekeken
Schrijf uw commentaar over dit item!