20-05-2014
📅 رێکەوت و رووداو (کڕۆنۆلۆژیا)
- ژمارەیەک لە دەرچوانی زانکۆی گەرمیان بەهۆی دانەمەزراندنیان لەبەردەم پەرلەمانی کوردستان دەستیاندایە خۆپیشاندان و داوایانکرد لایەنە پەیوەندیدارەکان چیتر لەمافی دامەزراندن بێبەشیان نەکەن.
- پەرلەمانی کوردستان بە زۆرینەی دەنگ نێچیرڤان ئیدریس بارزانی وەک کاندیدی پارتی دیموکراتی کوردستان بۆ سەرۆکی حکومەت و قوباد تاڵەبانی وەک کاندیدی یەکێتی نیشتیمانی کوردستان بۆ جێگری سەرۆکی کابینەی هەشتەمی حکومەتی هەرێمی کوردستان بۆ پێکهێنانی کابینەی هەشتەم ڕاسپارد.
- ئەنجومەنی وەزیرانی عیراق پڕۆژەیاسای هەڵوەشاندنەوەی بڕیارەکانی ئەنجومەنی سەرکردایەتی شۆڕشی سەردەمی بەعسی پەسەندکرد، بەپێی ئەو پڕۆژەیەش زیاتر لە 400 هەزار دۆنم زەوی کە پێشتر موڵکی کورد و تورکمان بووە لە کەرکوک و زەوی کشتوکاڵین دەگرێتەوە و رادەستی خاوەنەکانیان دەکرێتەوە.
- لە قەزای شەنگالی سەر بە پارێزگای نەینەوا تەرمی سێ کوردی ئێزدی لەناو ماڵێکدا دەدۆزرێتەوە کە بە چەک کوژراون.
📌
کوردیپێدیا، رۆژانە (بێلایەنانە) مێژووی کوردستان تۆماردەکات... 📅 کڕۆنۆلۆژیای رووداوەکان