کوڕی سەرکردەی بە ناوبانگی کورد #شێخ مەحمودی حەفید#ی نەمرە و لە ساڵی 1917ز لە#سلێمانی# لەو بنەماڵە تێکۆشەرەدا و لە سەردەمێکی پڕ کارەسات و تەقینەوەی مێژووییدا چاوی بە ژیان هەڵهێناوە.=KTML_Photo_Begin=https://www.kurdipedia.org/files/relatedfiles/2014/76297/0006.JPG=KTML_Photo_Alt=شێخ لەتیف لە بەندیخانە=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2014/76297/0006.JPG=KTML_Photo_End=
شێخ لە تیف هێشتا منداڵ بووە تەمەنی نەگەیشتبووە سێ ساڵان دوای بە دیل گیرانی شێخ مەحمودی باوکی بە خاو و خێزانەوە ڕوویان کردە ڕۆژهەڵاتی کوردستان لای #سمکۆ# (ئیسماعیل ئاغای شکاک) .
شێخ لەتیف ساڵی 1930 لە تەمەنی سیانزە ساڵیدا بەشداریی شۆڕشی چەکدارانەی کوردی کردووە.
لە ساڵی 1942 لە لایە ن حکومەتی پاشایەتی پەلاماردراوە ، بەڵام دەستگیرنەکراوە و خۆی گەیاندۆتە ڕۆژهەڵاتی کوردستان و دوای سالێک گەڕاوەتەوە . بەشداریی لە #کۆماری کوردستان# لە #مەهاباد# کردووە، دەربەدەری و ئاوارەیی و دوورەوڵاتی زۆر بینیوە و چەندین جار لەلایەن دوژمنانی کوردە وە زیندانی کراوە. لە ناوەڕاستی ساڵانی پەنجاکاندا لەلایەن ڕژێمی پاشایەتییەوە گیراوە و تاوەکوو سەرهەڵدانی شۆڕشی 14 تە موزی ساڵی 1958 لە شاری بەسرا لە زینداندا ماوەتەوە. شێخ لەتیف جگە لەوەی کە سەرکردەیەکی لێهاتوو بووە هاوکات شاعیرێکی بەسەلیقەش بووە چەندان شیعری بۆ وڵات و هەژاران و چەوساوەکان نووسیووە. بەگشتی شیعری لەم بوارانەدا نووسیوە: 1- نیشتانپەروەری 2- کۆمەڵایەتی 3- دڵداریی 4- گاڵتە وگە پ و بابەتی پێکەنیناوی.
شێخ لەتیف لە ئێوارەی ڕۆژی هەینی ڕێکەوتی #12-05-1972# لە نەخۆشخانە ی (الراهبات) لە بەغدا لە تەمە نی (55) ساڵیدا کۆچی دوایی کردووە و دواتر تەرمەکەی هێنراوەتەوە بۆ سلێمانی و لەنێو #مزگەوتی گەورە#دا بەخاک سپێردراوە .[1]