خەندان - شاسوار مامە
یەکینەکانی پاراستنی گەل "یەپەگە" ئاماری شەڕوپێکدادانی مانگی ڕابردووی یەکینەکانیان لەگەڵ چەکدارانی دەوڵەتی ئیسلامی عێراق و شام"داعش" لە کانتۆنی کۆبانی ڕۆژئاوای کوردستان بڵاوکردەوە.
بەپێی ئامارەکە، لە 8 ی ئادار هەتا 8 ی نیسانی 2014، لە ئەنجامی بەرەنگاربوونەوەی هێرشی چەکدارانی داعش لە شاری کۆبانی، 419 چەکداری داعش کوژراون و 10 چەکداریش بەدیل گیراون.
یەپەگە ڕاشیدەگەیەنێت لە مانگی ڕابردوودا 13 شەڕڤانی یەپەگە و یەپەژە لە ئەنجامی شەڕی داعش گیانیان لەدەستداوە.
یەپەگە ڕایدەگەیەنێت، چەکدارانی داعش لە ناوچەکانی حەلەب و ئدلب و حەما و حومس و لازقیە، هێرشیان کردۆتە سەر کانتۆنی کۆبانی.
ناوەندی ڕاگەیاندنی یەپەگە، ئاماژە بۆ ئەوە دەکات هێزەکانیان دەستیان گرتووە بەسەر چەندین جبەخانە و پارچە چەک و تەقەمەنی کە لە تورکیا و عەربستانی سعودیەوە هێنراون.
- 08-04-2014
| 🗄 سەرچاوەکان |
| [1] | 📡 ماڵپەڕ | 🏳️ کوردیی ناوەڕاست | ماڵپەڕی خەندان |