خەندان سۆران کەریم
ئەندامێکی لیژنەی دارایی پەرلەمانی عیراق، ئاشکرای دەکات، ساڵانە حکومەتی هەرێم بڕی شەش ملیار دۆلاری لە مەرزەکان دەستدەکەوێت، ڕاشیدەگەیەنێت، تائێستا ئه و پارەیە ڕادەستی خەزێنەی گشتی دەوڵەت نەکراوە و نازانرێت دەست کێ دەکەوێت.
ئەمین هادی، ئەندامی لیژنەی دارایی لە ئەنجومەنی نوێنەرانی عیراق لەسەر کوتلەی ئیئتلایفی دەوڵەتی یاسا، بە خەندانی ڕاگەیاند: "بەپێی ئه و زانیارییانەی کۆکراونەتەوە و پێمانگەیشتووە، ساڵانە حکومەتی هەرێم بڕی نزیکەی شەش ملیار دۆلار لە داهاتی مەرزە سنوورییەکان دەست دەکەوێت".
ئاماژەی بەوەشدا،کە ئه و پارەیە ڕەوانەی خەزێنەی گشتی ناکرێت، وەکچۆن لە مەرزە سنوورییەکان لە پارێزگاکانی ناوەڕاست و خوارووی عیراق دەکرێت، وتیشی: "جگە لەوەش چەند مەرزێکی نافەرمی هەیە، کە بەهیچ شێوەیەک داهاتەکەی ئەژمار ناکرێت، تەنانەت داهاتی مەرزە فەرمییەکانیش زۆر بەکەمی ئەژمار دەکرێت".
ئه و پەرلەمانتارەی کوتلەی ئیئتیلافی دەوڵەتی یاسا، ئەوەشی خستەڕوو، کە چەندینجار دیوانی چاودێری دارایی و بەڕێوەبەرایەتی گشتی گومرک سەردانی هەرێم دەکەن، بەڵام ناگەنە ئەنجام و حسابی کۆتایی ناکرێت.
ئەمین هادی، داوای دەکرد هاوڵاتیانی هەرێم خۆپیشاندانێک بکەن و داوا بکەن داهاتی مەرزەکان بەشێوەیەکی شەفافنە بخرێتەڕوو، وتیشی: "تائێستا داهاتی مەرزەکان نەخراوەتە خەزێنەی گشتییەوە، ناشزانرێت پارەکە بۆ کییە".
- 09-03-2014
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 6,514
Scrivi il tuo commento su questo articolo!