بەرپرسی ئاژانسی خۆراکی جیهانی WFP لە هەولێر ئاشکرایدەکات، ئەمساڵ تا ئێستا 420 تەن هاوکاری مرۆییان گەیاندوەتە ئاوارەکانی سوریا و ئاماژە بە بەردەوامی گەیاندنی هاوکارییەکانیشیان دەکات بۆ لێقەوماوانی ئه و وڵاتە.
لەدیدارێکی کە ئەمڕۆ پێتنجشەممە لە نێوان د.دیندار زێباری، جێگری بەرپرسی پەیوەندییەکانی دەرەوە بۆ کاروباری ڕێکخراوەکانی نێودەوڵەتی و محەمەد حاج فەرەح، بەرپرسی ئاژانسی خۆراکی جیهانیWFP لە هەولێر و شاندێکی یاوەری، باس لە بەردەوامی پڕۆسەی گەیاندنی هاوکاری نێودەوڵەتی مرۆیی بەرێگای فڕۆکەخانەی نێودەوڵەتی هەولێرەوە بۆ ناوچەی حەسەکەی سوریا کرا.
هەروەها تاوتوێکردنی بارودۆخی پەنابەرانی ڕۆژئاوا بەگشتی لەناو کەمپەکان لە هەرێمی کوردستان و هاوکاری و هەماهەنگی نێوان حکومەتی هەرێمی کوردستان و ئاژانسی WFP لەبواری زیاتر باشترکردنی ڕەوشی پەنابەران و پێشکەشکردنی هاوکاری مرۆیی و بەتایبەتی کەلوپەلی خۆراک تەوەرێکی تری ئەم دیدارەبوو.
لە لایەن خۆیەوە بەرپرسی ئاژانسی WFP لە هەولێر ڕاگەیاند: لەساڵی نوێیەوە گەیاندنی هاوکاری مرۆیی نێودەوڵەتی بۆ ناوچەی حەسەکەی باکووری ڕۆژهەڵاتی سوریا بەردەوامن و لەسەرەتای مانگی شوباتەوە تائێستا بەپێی ئه و بەرنامەی کە لایەنە نێودەوڵەتییەکان بەهاوکاری حکومەتی هەرێمی کوردستانەوە دارێژاوە بڕی 420 تەنی هاوکاری مرۆیی بەرێگای فڕۆکەخانەی نێودەوڵەتی هەولێرەوە گەیێندراونە ناوچەی حەسەکە و بڕیار وایە تا ڕێکەوتی 09-03-2014 بڕی 1200 تەن له و هاوکاریە مرۆییانە لە فڕۆکەخانەی نێودەوڵەتی هەولێرەوە بگەیەنرێنە ئەم ناوچەیە و نزیکەی 300 هەزار کەس لەم هاوکاریە مرۆییانە سوود مەند دەبن.
لە بەرامبەردا جێگری بەرپرسی پەیوەندییەکانی دەرەوە بۆ کاروباری ڕێکخراوەکانی نێودەوڵەتی جەختی لەوە کردەوە: حکومەتی هەرێمی کوردستان بەردەوام دەبێت لەسەر پێشکەش کردنی هەموو هاوکاری و هەماهەنگیەک لەگەڵ لایەنە نێودەوڵەتییەکان بەمەبەستی گەیاندنی دەستی هاوکاری مرۆیی بە گەلانی سوریا بەگشتی و ناوچەکانی ڕۆژئاوا بەتایبەتی.
- 20-02-2014
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 6,249 times
Write your comment about this item!