خەندان ڕەهێل سەمەد
بەگوێرەی ئامارێکی نەخۆشخانەی لەدایکبوونی هەولێر لە ماوەی ساڵی 2013دا 28 هەزار و 938 منداڵ لەدایکبووە کە 14 هەزار و 919 یان کوڕە و 14 هەزار و 19ی کچە.
خوناو حەسەن، جێگری بەڕێوەبەری نەخۆشخانەی لەدایکبوونی هەولێر بە خەندانی ڕاگەیاند: لە ماوەی ساڵی 2013 لە نەخۆشخانەی لە دایکبوونی شاری پارێزگای هەولێر 18 هەزار و 279 بەشێوەی ئاسایی لەدایکبووە، ئەوانیش نۆ هەزار و 242 کوڕ و نۆ هەزار 37ی کچە، هەروەها 10هەزار 659 منداڵ بەنەشتەرگەری لەدایکبووە بووە، لەوانەش پێنج هەزار و 677 کوڕ و چوار هەزار 982ی کچە.
وتیشی: کۆی گشتی ئەو منداڵانەی بەهەردوو شێوازی ئاسایی و نەشتەرگری لەدایکبووە دەگاتە 28 هەزار و 938 منداڵ لەدایکبووە، کە 14هەزار و 919 یان کوڕە و 14 هەزار و 19ی کچە.
خوناو حەسەن ڕاشیگەیاند: هەر لەو ماوەیە 909 منداڵی دوانە و پێنج حاڵەتی سیانە و یەک حاڵەتی چوارە، لەگەڵ 318 منداڵی مردوو تۆمارکراوە.
جێگری بەڕێوەبەری نەخۆشخانەی لە دایکبوونی هەولێر ڕاشیگەیاند: لە ماوەی 24کاتژمێری ڕۆژی 01-01-2014لە نەخۆشخانەی لەدایکبوونی هەولێر 98 منداڵ لەدایکبووە.
04-01-2014