خەندان- رەڤەند گوهەرزی
د هەیڤا 11 یا ئەڤ سالە دا ، ل کومەلگەها دەروازێ نیڤدەولەتیێ ئیبراهیم خەلیل ، هزار و 206 تەن و 376 کیلۆیێن کەرەستەیان هاتینە ژناڤبرن و زڤراندن بۆ وی جهێ ژێ هاتی.
نەجمەددین نێروەیی بەرپرسێ راگەهاندنا کومەلگەها دەروازێ نیڤدەولەتی ئیبراهیم خەلیل دیار کر : وەکۆ هەموو هەیڤێن دی د هەیڤا 11ێ یا ئەڤ سالە دا ل ئیبراهیم خەلیل شیاینە هزار و 206 تەن و 376 کیلۆیێن کەرەستەیان ژناڤ ببەن و ب زڤرینن بۆ وی وەلاتێ کەرەستە ژێ هاتین.
نەجمەدین نێروەی گوت ژی : ژ وان کەرستان ژی 56 تەن و 627 کیلۆ هاتینە ژناڤبرن و هزار و 497 تەن و 749 کیلۆ ژی هاتینە زڤراندن.
بەرپرسێ راگەهاندنا کومەلگەها دەروازێ نیڤدەولەتی ئیبراهیم خەلیل ئاماژە ب وێ یەکێ ژی کر : ئەگەرێ زڤراندن و ژناڤبرنا پتریا ڤانا ڤەدگەریت بۆ وێ چەندێ کۆ ژ پشکنیناندا بسەر نەکەڤتینە و دگەل رێنما و مەرجێن پێدڤی نەگونجینە .
- 02-12-2013