01-12-2013
دهۆک (باسنیوز) نەوزاد مەجید-
رائیدێ مافپەروەر ئازاد تاها، بەرپرسێ راگەهاندن و پەیوەندیان ل رێڤەبەریا هاتن و چوونا دهۆکێ راگەهاند، د هەشت مەهێن بوورى دا ژ ئەڤ سالە 200 وەلاتیێن دهۆکێ بووینە قوربانیێن رویدانێن ترومبێلان و گیانێ خۆ ژ دەست دایە و 2798 وەلاتیێن دهۆکێ ژى ب هەمان رویدان برینداربووینە.
ئازا تاها بو (باسنیوز) ئاشکرا کر کو هەکە هەر ل سەر ڤى شێوەى بچیت، رەنگە رویدانێن ترومبێلان یێن ئەڤ سالە ژ سالا بوورى پتر بن و گۆت: ئەو کەسێن ل دهۆکێ بووینە قوربانى پتریا وان ژن و زارۆکن.
ژ ئالێ خۆڤە رێڤەبەریا گشتیا هاتن و چوونێ هەرێما کوردستانێ د ئامارەکا خۆ دا راگەهاندیە کو ب تنێ د مەها 11 یا بوورى دا، 90 وەلاتى ل هەرێما کوردستانێ بووینە قوربانى رویدانێن هاتن و چوونێ و گیانێ خۆ ژ دەست دایە.