وتەبێژی وەزارەتی کاروکاروباری کۆمەڵایەتی حکومەتی هەرێمی کوردستان ڕایدەگەیەنێت، لە ئێستادا دوو هەزار و 328 سزادراو بەتاوانی جۆراو جۆر لە نێو بنکە چاکسازییەکانی گەوڕان و ژنان و منداڵان لە هەرسێ پارێزگاکەی هەرێمی کوردستان حوکمدراون.
عەباس ئەکرەم، وتەبێژی وەزارەتی کاروکاروباری کۆمەڵایەتی حکومەتی هەرێمی کوردستان بە (خەندان) ی ڕاگەیاند: دروستکردنی بەڕێوەبەرایەتی چاکسازی گەورانی هەولێر و سلێمانی لە قۆناغی جێبەجێ کردندایە و پێش کۆتایی ئەمساڵ هەردوو بنکەی چاکسازی گەورانی هەولێر و سلێمانی تەواودەبێت، بەمەش ڕەوشی بنکە چاکسازییەکان پێشکەوتنی بەرچاو بەخۆیەوە دەبینێت و پێشکەشکردنی خزمەتگوزارییەکان باشتر دەبێت بەشێوەیەک هاوتای پێوەرو بنەما جیهانییەکان بێت.
وتیشی: "لە ئێستادا دوو هەزار و 328 زیندانی لە بنکە چاکسازییەکانی هەرێمی کوردستان ماوەی حوکمەکەیان بەسەردەبەن، بەشێوەیەک لە هەولێر 665 سزادراوی پیاو و ژن و منداڵ هەیە، هەروەها لە سلێمانی 997 سزادراوی پیاو ژن و منداڵ حوکمدراوون و لە دهۆکیش 666 سزادراوی پیاو ژن و منداڵ ماوەی حوکمەکەیان بەسەردەبەن.
- 24-07-2013
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,481 ganger