نێردەی نەتەوە یەکگرتووەکان لە ئێراق (یۆنامی) لە ڕاپۆرتێکدا ڕایگەیاند، بەهۆی کردەوە توندوتیژییەکانەوە مانگی حوزەیرانی ڕابردو 761 کەس لە ئێراق کوژراون.
ڕاپۆرتەکە ئاماژە بەوەشدەکات، هەر بەهۆی کردەوەی توندوتیژی و تیرۆرەوە لە و مانگەدا 1700 کەس برینداربوون و پارێزگای بەغدای پایتەخت پشکی گەورەی توندوتیژیەکان بەرکەوتووە و لە دوای ئەویش پارێزگاکانی سەڵاحەدین و نەینەواو دیالە و ئەنبار.
هەر بەپێی ئەو ڕاپۆرتەی یۆنامی کە نەتەوە یەکگرتووەکان لە ماڵپەڕی خۆی لەسەر تۆڕی ئینتەرنێت دوێنێ بڵاویکردووەتەوە، لەنێو ئەو کەسانەدا کە مانگی ڕابردو لە ئێراق کوژراون، 685 کەسیان هاووڵاتی مەدەنی و 131 کەسی تر سەربە هێزەکانی پۆلیس و 76 کەسیش سەربە هێزە ئەمنییەکان بوون.
نەتەوە یەکگرتووەکان نیگەرانی خۆی نیشان دەدات لەرەوشی مافەکانی مرۆڤ لە ئێراق بەهۆی کردەوە توندوتیژییەکانەوە کە دوای ئەو شەپۆلە توندوتیژیە تایەفیەی کە لەماوی ساڵانی 2006 بۆ 2007 ئێراق پێدا تێپەڕی جارێکی دیکە گەڕاوەتەوە.
-02-07-2013
Этот пункт был написан в (کوردیی ناوەڕاست) языке, нажмите на значок
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 4,452
Ваше мнение о предмете!