هاوڵاتی
بەپێی ئامارێکی هێزەکانی پاراستنی گەل #هەپەگە# (باڵی سەربازی #پەکەکە#) لەسەرەتای ئەمساڵەوە 28 گەریلا گیانیان لەدەستداوە و 66 سەربازی تورکیاش کوژراون، لەمیانەی شەرو پێکدادانەکاندا.
ئاژانسی فورات نیوز لەهەواڵێکدا بڵاویکردوەتەوە کە ناوەندی ڕاگەیاندن و چاپەمەنی هێزەکانی پاراستنی گەل ئەمرۆ پێنج شەممە ئاماری شەر و پێکدادانەکانی سێ مانگی ڕابردووی ئەمساڵی بڵاوکردوە، بەپێی ئامارەکە سوپای تورکیا19 ئۆپەراسیۆنی زەمینی، 17 هێرشی ئاسمانی، 17 هێرشی تۆپباران و جارێکیش بە کۆپتەر هێرشی کردوەتە سەر هەرێمەکانی گەریلا.
هەربەپێی ئامارەکە لە سەرجەم شەڕ و ئۆپەراسیۆنەکاندا (66) سەرباز و پۆلیسی تورک کوژراون و لە سەرجەم پێکدادان و هێرشە ئاسمانییەکانی سوپای تورکیاشدا (28) گەریلا گیانیان لەدەستداوە”.[1]
#28-03-2013#