بەڕێوەبەری ناحیەی #سەنگەسەر#، عەبدولرەزاق بایز، بە ئاوێنەنیوزی ڕاگەیاند لەوەتەی بۆردومانی تورکیا بۆسەر گوندو ناوچەکانی سنوری ناحیەی سەنگەسەر دەستیپێکردووە، تائێستا بینایەی پێنج قوتابخانەو سێ بنکەی تەندروستی ڕوخاوە.
بەڕێوەبەری ناحیەی سەنگەسەر وتیشی بینایەی ئەو قوتابخانانەی کە ڕوخاون دەوامیان تێدا ناکرێت، بەڵام قوتابیان دابەشی سەر قوتابخانەکانی دیکە کراون بەمەبەستی درێژەدان بەخوێندن.
ناوبراو وتیشی جگە لە ڕووخانی قوتابخانەو بنکە تەندروستیەکان، هەر بە هۆی بۆردومانەوە سێ پردی پەڕینەوەو هاتوچۆی هاوڵاتیانی سنورەکە ڕوخاون.
#06-02-2013#