شەمزینان یەک لە شارۆچکەکانی شاری #جۆلەمێرگ#ی پارێزگای #هەکاری#یە لە باکووری کوردستان.
هەندێک جار بە ناوی شەمزینان و هەندێک جاریش بە ناوی شەمدینان ناوی هاتووە. بەڵام ناوەکەی لە بنەڕەتدا شەمدینانە. لە پەرتووکە مێژووییەکاندا ناوەکەی بە ناوی شەمسەدینان هاتووە، وەک لە #شەرەفنامە#ی #شەرەفخانی بەدلیسی# و پەرتووکی w.A wigram (The cradle of mankind life (n estern kurdistan. نەخشەی شەمدینان هەیە کە لە سەدەی 19 لەلایەن ئنگلیزەکانەوە کێشراوە و ناوی بە شەمسدینا هاتووە.
شێخ عوبەیدوڵڵای نەهری لە دیوانە شیعرییەکەی خۆیدا کە بە زمانی فارسی نووسیویەتی:
اسم (شمس الدین) در اسل نهاد
شود ب (شمزین) مستشار بین العیباد
هست شمس الدین نام ناحیە
حق بدارد از مزالم ناحیة..
ناوی ناوچەکە لە بنەڕەتدا بە ناوی میرەکەوە هاتووە، بەڵام لەلای خەڵکەکەیەوە بووە بە شەمزین و بەو ناوەوە جێی گرتووە. هەروەها هەردوو ڕۆژهەڵاتناسی ڕووسی ڤاسیلی نیکیتین و ڤلادیمر مینۆرسکی ناوەکەیان بە شەمدینان بەکارهێناوە لە تۆمارەکانی خۆیاندا.
ڤاسییلی نیکیتین لە پەرتووکەکەیدا بەناوی (کورد کوردستان) لە باسی دامەزاندنی بنەماڵەی بەگزادەکاندا دەڵێت لەناو (بەگزادەی هەکاری، ئامێدی، کلیسێ، شەمزینا و تەرگەوەر) میرێک هەبووە بەناوی میر شەمسەدین، و ناوچەکەش بەناوی ئەوەوە کراوە. [1]