ژیاننامە
نووسەر و وەڕگێر
ساڵی 1939 لە سلێمانیسلێمانی لەدایک بووە.
خوێندن
ساڵی 1960 لەبەر زیرەکی و سەرکەوتنی لە خوێندنی ئامادەییدا بۆ تەواو کردنی خوێندن نێردراوە بۆ مۆسکۆ.
ساڵی 1967 کۆلیجی ئەندازەی بیناسازیی لە مۆسکۆ تەواو کردوە.
چالاکی
ئەندامیکی جالاکی کۆمەلی خوێندکارانی کورد بووە لە ئەوروپا.
ساڵی 1967 دەگەریتەوە و لەوەزارەتی کاروباری باکوور دادەمەزری پاشان دەگوازریتەوە بۆ فەرمانگەی ئەشغال لە سلێمانی وەک ئەندازیار.

بڵاوکراوەکان
1- خەباتی گەلی کورد لە یاداشتەکانی ئەحمەد تەقیدا (لاپەرەیەک لە شۆڕشەکانی شێخ مەحموود و سمکۆ و هەستانەکەی رەواندز) ئامادەی کردوەو و هێناویەتیە سەر رێنووسی کوردی - ساڵی 1970.
2- خەبات لەرێی کوردستان - ن. ئە. خەڵفین - لە رووسیەوە کردویەتی بەکوردی - ساڵی 1971.
3- دەربارەی رەخنە - بیلینسکی - لە رووسیەوە کردویەتی بەکوردی - ساڵی 1972.
4- ئەو پیاوەی وێرای بپرسی - کورامێسن - لە عەرەبیەوە کردویەتی بەکوردی - ساڵی 1973.
5- شەرەکانی ئەسکەندەری مەکەدۆنی - پلوتارک - رووسیەوە کردویەتی بەکوردی - ساڵی 1973.
6- خانم و سەگەکەی - چیخۆف - رووسیەوە کردویەتی بەکوردی ساڵی 1979.
7- نهێنی کۆنترین مێژوو - ئەلیکساندەر گەربۆڤیسکی - رووسیەوە کردویەتی بەکوردی - ساڵی 1980.
8- شەوانی گوێ ئاگردان (هەبوو نەبوو) - کۆکردنەوەو ئامادەکردن - ساڵی 1984.
9- پەندی پێشینان و قسەی نەستەق - لەگەڵ خاتوو رەسووڵ رووسیەوە کردویەتی بەکوردی - ساڵی 1984.
10- شەوە سپییەکان - چیرۆک - ڤ. دۆستۆڤیسکی - رووسیەوە کردویەتی بەکوردی - ساڵی 1988.
11- زانکۆکانی ژیانم - رۆمان - مەکسیم گۆرگی - رووسیەوە کردویەتی بەکوردی - ساڵی 1989.
12- سێ خوشک - دراما - چیخۆف - رووسیەوە کردویەتی بەکوردی - ساڵی 41991.
بەرهەمە دەسنووسەکانی:-
1- دوو برا - شانۆ - لێرمەنتۆڤ - رووسیەوە کردویەتی بەکوردی.
2- کوردی تورکیا - مێژوو کۆمەلایەتی - کیسارۆڤ و رەگۆشین - رووسیەوە کردویەتی بەکوردی.
3- سەرەتایەک لە فەلسەفەی یۆنانی کۆن - چەند نووسەرێک - رووسیەوە کردویەتی بەکوردی.
4- یاداشتەکانی شێتێک - گۆگۆل - رووسیەوە کردویەتی بەکوردی.
5- گەشتێک بە ئەرزەرۆمدا - پوشکین - رووسیەوە کردویەتی بەکوردی.
6- کیژۆڵە بەفرینە - کۆمەلە چیرۆکی کۆمەڵیک نووسەری رووس - رووسیەوە کردویەتی بەکوردی.
7- شەوانی گوی ئاگردان - بەرگی دووەم.
8- بیرەوەرییەکانی ئەحمەد تەقی - بەرگی دووەم.
9- چوار بلیمەت - رووسیەوە کردویەتی بەکوردی.
10- خاڵە ساڤا و چەند کەرتە چیرۆکێکی تر - رووسیەوە کردویەتی بەکوردی.
11- بۆچی هاتی - رۆمان - بەسەرهاتی ژیانی نووسەر خۆیەتی.
12- تۆماری رۆژانە - سەربرشتی رووداوەکانی ساڵی 1991 - یاداشتی نووسەر سەبارەت بە رووداوەکانی ئەو سالە.
13- کۆمەڵە شیعر و پەخشانی خۆی.
14- گەردونی تەلیسماوی - زانیاری.
15- فەرهەنگی کوردی / کوردی - بەرگی یەکەم - بە هاوکاری لەگەڵ مامۆستایان عوسمان هەورامی و عەبدوڵلا حەسەن و فاروق محەمەد.
بەداخەوە مامۆستا جەلال تەقی لە رۆژی 05-09-1993 بەنەخۆشی دڵ سەری نایەوە بی ئەوەی ئەو پرۆژەیەی کە پێک هاتبوو لە وەرگێڕانی شاکارەکانی زۆربەی نووسەرە گەورەکانی روس بهێنێتە دی.
بۆ ئەم باسە سووودم لە نووسینێکی مامۆستا محەمەد حەمەساڵح تۆفیق وەرگرتوە لە گۆڤاری مامۆستای کورد ژمارە 23ی ساڵی 1994.‬[1]

#سلێمانی |