کۆنگرەی دوازدەیەمی #پارتی دیموکراتی کوردستان#- (پارتی دیموکراتی کوردستان – #06-10-1999#) ، دوای ڕێککەوتننامەی ئاشتی واشنتۆنی ساڵی 1998 و کۆتایی هاتنی شەڕی ناوخۆی نێوان پارتی دیموکراتی کوردستان و #یەکێتیی نیشتمانیی کوردستان#، لە شاری #هەولێر# ی پایتەختی هەرێمی کوردستان ئەنجامدرا.
کۆنگرەی دوازدەیەمی پارتی دیموکراتی کوردستان- (پارتی دیموکراتی کوردستان – 6ی تشرینی یەکەمی 1999) ، دوای ڕێککەوتننامەی ئاشتی واشنتۆنی ساڵی 1998 و کۆتایی هاتنی شەڕی ناوخۆی نێوان پارتی دیموکراتی کوردستان و یەکێتیی نیشتمانیی کوردستان، لە شاری هەولێری پایتەختی هەرێمی کوردستان ئەنجامدرا.
بارودۆخ و ئامادەکارییەکان
لە ڕێکەوتی 6ی تشرینی یەکەمی ساڵی 1993 ڕووفاتی نەمران، سەرۆک #مەلا مستەفا بارزانی# و #ئیدریس بارزانی# لە وڵاتی ئێرانەوە بۆ باشووری کوردستان گەڕێندرانەوە. لە مانگی ئایاری 1994 شەڕی ناوخۆ لەنێوان پارتی دیموکراتی کوردستان و یەکێتیی نیشتمانیی کوردستان هەڵگیرسا کە ماوەی چوار ساڵی خایەند و بووە هۆی دوولەتکردنی هەرێمی کوردستان لەنێوان هەردوو لادا و دواتر لە ڕێکەوتی #17-09-1998# دوای ڕێککەوتنی واشنتۆن کۆتایی پێهێنرا. لە و ماوەیەدا پەڕڵەمان و حکوومەتی هەرێمی کوردستان لەلایەن پارتی و چەند لایەنێکی تری سیاسی باشووری کوردستان لە هەولێر پێکهێنرا، هەر لە و ماوەیەدا ژمارەیەکی زۆری ئاوارە لە ئێرانەوە بۆ باشووری کوردستان گەڕانەوە.
دوای تێپەڕبوونی شەش ساڵ بەسەر کۆنگرەی یازدەیەم، لە کۆبوونەوەی کۆمیتەی ناوەندی پارتی دیموکراتی کوردستان لە ڕێکەوتی #13-03- 1999# بڕیار لەسەر بەستنی کۆنگرەی دوازدەی حزب درا، بۆ ئەم مەبەستە لە ڕێکەوتی 14ی نیسانی 1999 لە کۆبوونەوەیەکی تری کۆمیتەی ناوەندی، مەکتەبی سیاسی پارتی ڕاسپێردرا بە درووستکردنی لێژنەی باڵای ئامادەکاری کۆنگرە و مەکتەبی سیاسی لە کۆبوونەوەی مانگی ئایاری 1999 لێژنەی باڵای ئامادەکاری کۆنگرەی پێکهێنا، کە بریتیبوون لە: فەلەکەدین کاکەیی-سەرۆکی لێژنە، د. محەمەد ساڵح جومعە-جێگری سەرۆکی لێژنە، شێخەڵا ئیبراهیم، تەمەر ڕەمەزان، نەجمەددین یوسفی و مامۆستا حەسەن.
دوا پێکهێنانی، لەلایەن لێژنەی باڵای ئامادەکاری کۆنگرەوە، پڕۆسەی هەڵبژاردنی نوێنەرانی کۆنگرە ئەنجام درا، کە چل و یەک ڕۆژی خایاند و لە ڕێکەوتی 4ی حوزەیرانی 1999 تا ڕێکەوتی 15ی تەموزی 1999 و لە 96 بازنەی هەڵبژاردن و 226 بنکەدا، 180 هەزار دەنگدەری پارتی بەشدار بوون و نوێنەرانی کۆنگرەیان هەڵبژارد.
$بەستنی کۆنگرە دوانزەیەم$
لە ڕۆژی چوارشەممەی 6ی تشرینی یەکەمی 1999، کۆنگرەی دوازدەیەمی پارتی دیموکراتی کوردستان، لە هۆڵی زەرد لە شاری هەولێر بە دروشمی ئاشتی، ئازادی، دیموکراسی بە ئامادەبوونی 1473 نوێنەر، کە 8 ٪یان ئافرەت بوون، بەسترا. لەم کۆنگرەیەدا، بۆ جاری چوارەم، لەلایەن تێکڕای نوێنەرانی کۆنگرەوە مەسعود بارزانی بە سەرۆکی پارتی دیموکراتی کوردستان هەڵبژێردرایەوە و لەسەر پێشنیاری سەرۆک، عەلی عەبدوڵڵا ئەمین بە جێگری سەرۆک هەڵبژێردرایەوە. هەروەها بۆ جارێکی تر، ناوی پارتی لە پارتی دیموکراتی کوردستان - یەکگرتوو وەک کۆنگرەی دەیەم بووەوە بە پارتی دیموکراتی کوردستان. ژمارەیەک بڕیاریش دران کە گرنگترینیان ئەنجامدانی گۆڕانکاری بوو لە دامودەزگاکانی حزبی و لەشکری، هەروەها کۆمیتەی ناوەندی لە 37 ئەندام کرا بە 31 ئەندامی کارا و 9 ئەندامی یەدەگ و مەکتەبی سیاسی بە دەنگدانی نهێنی لە 9 ئەندام هەڵبژێردران.
پەیکەری پارتی دیموکراتی کوردستان، بە پشتبەستن بە پەیڕەوی ناوخۆی کۆنگرەی دوازدەیەم، بریتی بوو لە: شانە، شانەی سەرەکی، لێژنەی ڕێکخراو، لێژنەی ناوچە، لێژنەی لق، کۆمیتەی ناوەندی، مەکتەبی سیاسی، سکرتێری مەکتەبی سیاسی، جێگری سەرۆک و سەرۆک. هەروەها دەستەی ناوەندی پشکنین و چاودێری لەلایەن کۆمیتەی ناوەندی دەستنیشان کران و ئەندامێکی مەکتەبی سیاسی، سەرپەرشتی دەکردن.
ئەندامانی کۆمیتەی ناوەندی:
#نێچیرڤان بارزانی#
مەسرور بارزانی
#فازڵ میرانی#
دکتۆر ڕۆژ نوری شاوێس
هۆشیار مەحمود محەمەد فارس
#سامی عەبدولڕەحمان#
#ئازاد بەرواری#
#جەوهەر نامیق سالم#
#زەعیم عەلی#
شەوکەت شێخ یەزدین
محەمەد مەلا قادر
دکتۆر کەمال کەرکووکی
دکتۆر جەرجیس حەسەن
کەریم شنگالی
نوری عەلی محەمەد ڕەحمان، ناسراو بە نوری حەمە عەلی
عارف تەیفور
سەعد عەبدوڵڵا
فڕەنسۆ هەریری
فەرەیدون محەمەد عەبدولڕەحمان، ناسراو بە فەرەیدون جوانڕۆیی
سەڵاح دەلۆ
ڕەمزی شەعبان
عومەر بۆتانی
شیرین ئامێدی
جەمال عوسمان کاڕەسوڵ، ناسراو بە جەمال مورتکە
سەرباز نادر عەلی، ناسراو بە سەرباز هەورامی
عومەر عوسمان مێرگەسۆری
بروسک نوری شاوەیس.
سەفین موحسین حەمەدئەمین، ناسراو بە سەفین دزەیی
قادر قادر عەلی
عیزەدین بەرواری
یونس ڕۆژبەیانی.
$ئەندامانی یەدەگی کۆمیتەی ناوەندی$:
عەبدولعەزیز تەیب
مەحمود محەمەد
مەسعود ساڵەیی
عەبدولموهەیمن بارزانی
جەعفەر ئیبراهیم حاجی، ناسراو بە #جەعفەر ئێمینکی#
#عەبدوڵڵا ئاگرین#
دیاری حسێن
#قادر جەباری#
دکتۆر حەسەن محەمەد سوور.
لە دواڕۆژی کۆنگرە و بۆ جاری سێیەمین لە مێژووی پارتی دیموکراتی کوردستاندا، میدالیای بازانیی نەمر لەلایەن سەرۆک مەسعود بارزانی بەخشرایە سی و حەوت کەسایەتی لە سەرکردە، فەرماندە و هەڤاڵانی بارزان.
لە کۆبوونەوەی یەکەمی کۆمیتەی ناوەندیشدا،
$دەستەی مەکتەبی سیاسی$ بە شێوەی خوارەوە هاتنە هەڵبژاردن:
نێچیرڤان بارزانی
مەسرور بارزانی
#هۆشیار زێباری#
جەوهەر نامیق سالم
فازڵ میرانی
سامی عەبدولڕەحمان
ئازاد بەرواری
دکتۆر #ڕۆژ نوری شاوەیس#
زەعیم عەلی.
[1]