- تیرۆریستە عەرەبەکان لە سەلمان پاک 3 ئەندامی یەکێتییان فڕاند و یەکێکیشیان بریندارکرد، ئەو 3 ئەندامەی ینک ئەندازیاری ئەشغال بوون و ئەمانە ناوەکانیانە: ئازاد ڕەزا، فەرهاد کامەران و سەردار مەحمود.
- لە گوندی باخەکۆن تەرمی شێخەکانی نەقشبەندی جارێکی تر نێژرایەوە، شایانی باسە ئەم تەرمانە کاتی خۆی لەلایەن تیرۆریستانەوە لە باخەکۆنەوە بۆ شوێنێکی نەزانراو گوێزرانەوە و مەرقەدی شێخ حیسامەدینی نەقشبەندیشیان تێکدا. بەڵام لەم دواییەدا ئاسایشی ینک لە خورماڵ لە ماڵی تیرۆریستێکدا ئەو تەرمانەی دۆزییەوە.
- دەستگیرکردنی 2 تیرۆریستی عەرەب بەناوی عەبد ئەحمەد حەسەن و عەلی خەڵەف ساڵح لە شاری کەرکووک، ئەمانە بەپێی لێدوانێکی پۆلیس دەستیان هەبووە لە تیرۆرکردنی ئەو 4 کوردەی کە پێش چەند ڕۆژێک لە حەویجە تیرۆرکران.
- سەرۆک وەزیرانی داگیرکەری تورک ڕەجەب ئەردۆغان نیگەرانیی خۆی بۆ ئەوە دەربڕی کە شاندە ئەوروپییەکان بەردەوام سەردانی شاری دیاربەکر دەکەن و ناچنە ناوچە تورکییەکان، هەروەها ئەوەشی ڕاگەیاند کە سەردانیان بۆ ناوچەی دیاربەکر تەنها هەڵوێستێکی سیاسییە دژی تورک.
- شوفێرێکی کورد بەناوی (رێدار حوسێن) کە لەهێڵی هەولێر- بەغدا کار دەکات، بەخۆی و ڕێبوارێکی خەڵکی هەولێر بەناوی (نیاز) لەخوار چیای حەمرین لەناوچەی عوزێم تەنیا لەبەر کورد بوون لەلایەن گروپێکی چەکداری تیرۆریستی عەرەبەوە دەستگیرکران و بەرامبەر ئازادکردنیان داوای پارەیەکی یەکجار زۆریان دەکرد. لەئەنجامدا ڕازیبوون ڕێدار حوسێن و ئۆتۆمبیلەکەی بەرامبەر 13.200 دۆلار و نیازیش بەرامبەر 10.000 دۆلار ئازاد بکەن و ڕۆژی 27-12-2004 گەیشتنەوە هەولێر.