- جیابوونەوەی چەند کادر و ئەندامێک لە بزووتنەوەی ئیسلامی.
- بوڵند ئەجەویدی سەرۆک وەزیرانی پێشووی تورک لە ڕووبەڕوویەکدا ڕایگەیاند کە بەڕەگەز کوردە و نازناوی بنەماڵەکەیان کاتی خۆی کوردزادە بووە، شایانی باسە نێوبراو یەکێک بوو لە دوژمنە سەرسەختەکانی کوردستان کورد لە کاتی فەرمانڕەوایییدا.
- بۆ نەهێشتنی دیاردەی سواڵکەری، حکومەتی سلێمانی موچەی مانگانەی بۆ سواڵکەرەکان بڕییەوە.
- هەفتەنامەی ئەلمەناری فەلەستینی ڕایگەیاند کە ئیسرائیل خەریکی دروستکردنی فڕۆکەخانەیەکی گەورەیە لە هەولێر.
- دۆناڵد ڕامسفیڵدی وەزیری دەرەوەی ئامریکا لە وتەیەکی فەڕمیدا ناوی کوردستانی هێنا. بەهۆی ئەم وتەیەوە تورک ناڕەزایی خۆیان دەربڕی بەبیانووی ئەوەی ڕامسفیڵد لەجیاتی باکووری ئێڕاق وشەی کوردستانی بەکارهێناوە.
- بەپێی ڕاپۆرتێک کە لە ڕۆژنامەی واشینگتۆن پۆستدا بڵاوکراوەتەوە، نەتەوە یەکگرتووەکان حکومەتی کوردستانی بە تاڵانکەر ناوبردووە و دەستی گرتووە بەسەر کۆمەڵێک کەلوپەلی نەتەوە یەکگرتووەکاندا.
- کردنەوەی پەیمانگای هونەرە جوانەکان لە شاری کەرکووک.
- ئەم مانگە و مانگەکانی پێشوو: هەزاران پەناهاندەی کوردی بندەستی ئێران لە ئۆردوگای ئاڵتاشی داگیرکەری ئێڕاقیدا لە ترسی تیرۆریستانی عەرەب بەرەو کوردستان هەڵهاتن. شایانی باسە ژمارەی پەناهاندەکانی کەمپەکە لەم چەند مانگەی دواییدا لە 13 هەزارەوە هاتووەتە سەر 3 هەزار.
- ئامریکییەکان ئاڵای کوردستانیان لەناو شاری کەرکووکدا داگرت و لە شوێنیاندا ئاڵای کۆنی داگیرکەری ئێڕاقییان بەرزکردەوە و بەم کردارەیان تورکمانەکان زۆر خۆشحاڵ بوون.
- ڕێکخراوی لێبووردنی نێودەوڵەتی داگیرکەری سووریای بەوە تاوانبار کرد کە ڕەفتاری دژبە مرۆییانەی بەرامبەر زیندانییە کوردەکان نوواندووە.
- دامەزراندنی پارتی وڵاتپارێزی دیموکراتی لەلایەن عوسمان ئۆجەلانەوە.
- عەبدوڵڵا ئوجەلان بەتوندی سەرکۆنەی سەرۆکی شارەوانیی دیاربەکری کرد کە چووەتە پرسەی جەنگاوەرێکی پکک.
- لە ژاپۆن 3000 ئیمزا کۆکرایەوە بۆ پاڵپشتی بە پەناهاندە وەرگرتنی ئەو دوو خێزانە کوردەی باکوور کە لەم مانگەدا گەیشتبوونە تۆکیۆ و داوای پەنابەرێتییان کردبوو.
- 300 ماڵە کوردی شارۆچکەی ڕەبیعە هەڕەشەی ئاوارەبوونیان لەلایەن عەرەبە هاوردەکانەوە لەسەرە.
- لە ماوەی 2 هەفتەدا نزیکەی 40 هەزار فەلە لە ترسی تیرۆر ئێڕاقیان جێهێشت.
- ئەنجوومەی شیعەی تورکمان ڕایگەیاند: ئەگەر کەرکووک نەبێتە پایتەختی تورکمانستان، ئەوا نابێت کوردستانیش ببێت.
- گیرانی کاربەدەستێکی میریی داگیرکەری فارس لە ناوچەی ئامردەی شاری بانە، بەتاوانی ئەوەی بە گڵۆپی سەوز و سوور و زەرد ئاڵای کوردستانی دروستکردبوو بەبۆنەی پێشوازیکردنی خاتەمییەوە.
- بەهۆی ڕوودانی کاری تیرۆریستییەوە کوردە یەزیدییەکان بەئاگاییەکی زۆرەوە جەژنی هاوینیان گێڕا.
- ئاساییشی سلێمانی دەستی بەسەر 22 کلیۆ تلیاکدا گرت و بەچاودێریی فەرمانگەی تەندروستیی سلێمانی لەناوبران.
- چەند دەوڵەمەندێکی تورکمان چەند خانوویەک لە قەڵای هەولێر دەکڕن.
- بەپێی بڕیارێکی ئەنجوومەنی وەزیرانی سلێمانی، سەرۆک و گشت کارمەندانی دەزگای شەهیدان لەسەر گەندەڵی سزادران.
- چین ناڕەزایی خۆیی بەرامبەر چوونی نێچیرڤان بارزانی دەربڕی بۆ تایوان.
- هیومان ڕایتس ۆچ ڕاپۆرتێکی 78 لاپەڕەیی لەسەر بەعەرەبکردنی ناوچەکانی باشووری کوردستان بڵاوکردەوە، ئەم ڕاپۆرتە گرنگییەکی تایبەتیی هەیە، چونکە لەلایەن ڕێکخراوێکی نێودەوڵەتییەوە نووسراوە.
- 3 کەناڵی تەلەڤزیۆنی تورکی داوای پێشکەشکردنی بەرنامەکانیان بە زمانی کوردی کرد.
- بەهۆی بارودۆخی خراپی شارۆچکەی جەلەولا و دژایەتیی عەرەبە هاوردەکان بۆ کورد، ژمارەیەکی زۆری کورد لەم مانگەدا جەلەولایان جێهێشت.
- بەپێی ڕاپۆرتێکی ڕۆژنامەی گاردیان کۆمپانیای مایکرۆسۆفت لەگەڵ داگیرکەری تورکدا تووشی کێشە بووە لەسەر ئەوەی مایکرۆسۆفت لە بەرنامەکانی ۆردی 95 و 97دا نەخشەیەکی کوردستانی بڵاوکردووەتەوە و کوردستانی وەک دەوڵەتێکی سەربەخۆ پیشانداوە و تورکیا ئەم دوو بەرنامەیەی لەسەر ئەو نەخشەیە قەدەغە کردووە.
- سەرچاوەیەکی کوردی بە ڕۆژنامەی هاوڵاتیی ڕاگەیاند کە عەرەب دژی ئەوەن پۆستی سەرۆکی پەڕڵەمان بدرێت بە کەسێکی کورد.
- پارێزگاری موسڵ ناڕەزایی بەرامبەر دەستێوەردانی کورد بۆ کاروباری شاری موسڵ دەربڕی.
- 11 ئەفسەری پۆلیسی کورد لەگەڵ 29ی تری عەرەبدا بۆ ڕاهێنان چوونە میسر.
- حکومەتی سلێمانی و کۆمپانیایەکی چینی ڕێکەوتننامەی ڕێگای دوو سایدی دوکان - سلێمانی و دروستکردنی تونێلی هەیبەت سوڵتانیان مۆرکرد.
- بەرزبوونەوەی دژایەتیی نێوان هەردوو کۆمپانیای مۆبایڵی ئاسیاسێڵ و کۆڕەک تێلکۆم، چاودێرەکان ئەم دژایەتییە بە جەنگی ساردی نێوان پارتی و یەکێتی دادەنێن.
- کۆچی دوایی کەمال شێخ غەریب لە بەریتانیا، نێوبراو لە شۆڕشی ئەیلوولدا ئەندامێکی بەرز بوو.
- ڕۆژنامەی شەرقولئەوسەتی عەرەبی ڕاپۆرتێکی لەسەر جموجۆڵی بازرگای لە ئیبراهیم خەلیل بڵاوکردەوە، بەپێی ئەو ڕاپۆرتە جموجۆڵی بازرگانی لە ئیبراهیم خەلیدا کزبووە.
- حەسیب ڕۆژبەیانیی یاریدەدەری پارێزگاری کەرکووک ڕایگەیاند کە لەم مانگەدا نزیکەی 5 هەزار خێزانی کورد گەڕاونەتەوە کەرکووک و واچاوەڕوان دەکرێت ئەو ژمارەیە ڕوو لە زۆربوون بکات.
- کۆتایی ئەم مانگە: تیرۆرکردنی دکتۆر سەعدوڵڵا حسێن حەسەن گەرگەری و دوو هاوڵاتیی کوردی تر بەناوی شەهاب ئەحمەد و محەمەد ڕەسوڵ لە زوممار.
- کۆتایی ئەم مانگە: چەند قاچاخچییەکی کورد و هەندێک پاسداری داگیرکەری ئێران لەنزیک خانەوە دایان بەیەکدا و لە ئەنجامدا سەروانێکی سوپای ئێران کوژرا و کوردێکیش برینداربوو.
- نزیکەی 200 پارچە زەوی بەسەر خانەوادەی شەهیدانی ئاوارەکانی کەرکووکدا دابەشکرا، ئەو پارچە زەوییانە دەبنە گەڕەکێکی نوێ لە باشووری خۆرهەڵاتی کەرکووک و گەڕەکەکەش ناونرا گەڕەکی سەروەران.
- کۆتایی ئەم مانگە: بەهۆی ململانێی ئەندامانی ناو لکی 2ی هەولێری پارتییەوە، ئەم لکە کرایە دوو بەش و لکی 16 پارتی دامەزرا کە گرنگی دەدات بە ڕێکخستنەکانی دەرەوەی هەولێر و لکی 2ش تایبەتە بەکاروباری ناو هەولێرەوە، ئەمین نەجاریش کرایە بەرپرسی لکی 16.
- کۆتایی ئەم مانگە: سامی شەبەکی سەرۆکی کۆمەڵەی لیبراڵیی تورکمانی ڕایگەیاند: کە ئاوارە بگەڕێنەوە و نەگەڕێنەوە ئەوا کەرکووک هەر کوردستانە.
- کۆتایی ئەم مانگە: دەرچوونی ژمارە سفری ڕۆژنامەی دوستلوق - دۆستایەتی لەلایەن کۆمەڵەی دۆستایەتی کورد - تورکمان لە کەرکووک.
- تورکیا بڕیاریدا 100 ئەندامی بەرەی تورکمانی بەرێتە تورکیا بۆ ڕاهێنانیان.
- کۆمەڵێک ئەفسەری کورد بەهۆی دژایەتیی شۆڤێنییانەی ئەفسەرە عەرەبەکانەوە سوپای عێڕاقیان بەجێهێشت.
- دزرانی قورئانەکەی نگڵ لەلایەن چەند نەناسراوێکەوە، ئەم قورئانە بۆ سێیەم جارە کە دەدزرێت و دەستنووسە و تەمەنی دەگەڕێتەوە بۆ 1000 ساڵ پێش ئێستا و لە گوندی نگڵی نێوان سنە و مەریواندا پارێزرابوو.