- دەستپێکردنی پڕۆسەی کوتان لە باشووری کوردستاندا لە دژی نەخۆشیی ئیفلیجبوونی منداڵان لەلایەن رێکخراوی یونیسێفەوە. بەهۆی کووتانی یونیسێفەوە ماوەی 3 ساڵە نەخۆشیی ئیفلیجبوون لە باشووری کوردستاندا رووینەداوە.
- دەستپێکردنی میهرەجانی ئەدەبی و هونەریی یەکەمی یەکێتیی ژنان لە شاری سلێمانی.
- بەپێی هەواڵێکی تەلەڤزیۆنی سەحەری ئێران: ینک هێرشی کردەسەر بارەگاکانی جند الاسلام لە هەورامان، 2 ئەندامی باڵای جند الاسلام کوژراون بەناوی سەلمان هەولێری و سەربەست، هەروەها چەند چەکدارێکیش برینداربوون. لەلای ینک سەرکردەیەکی سەربازی بەناوی عەبە رەقەوە کوژراوە.
- بەشی هونەریی رێکخراوی ئازادیی لاوانی کوردستانی سەربە ینک لەژێر ناوی (دیاریی سەقز)دا پێشانگایەکی خۆشنووسیی بۆ هونەرمەند مستەفا حەیدەر کردەوە، نێوبراو لە ساڵی 1976دا لەدایکبووە.
- کردنەوەی پێشانگای کاریکاتێری لەلایەن گەلاوێژ ساڵح فەتاح لە شاری سلێمانی. ئەم پێشانگایە بەبۆنەی ڤیستیڤاڵی ژنانی کوردەوە بوو لە سلێمانی.
- چاوپێکەوتنی وەزیری پیشەسازی و وزەی ینک جەلال جەوهەر لەگەڵ وەفدێکی تورکیدا بۆ هاوکاریی هەردوولا.