- لەم مانگەدا پێنج کوردی ئەندامی حیزبی دێموکراتی کوردستانی ئێران لەلایەن مەلاکانی ئێرانەوە لە سێدارەدران.
- بڵاوبوونەوەی ئەو پڕوپاگەندەیەی کە یەکێتیی نیشتمانیی کوردستان دەیەوێت هێرش بکاتە سەر شاری کەرکووک و ڕزگاری بکات.
- مەسعود بارزانی لێدوانی لەسەر تەلەفزیۆنی پارتی لە سلێمانی داو گووتی: کە ئەم پەنجا بە پەنجایەی پەڕڵەمان تاقیکردنەوەیەکی سەرنەکەوتووە و ئێمە جارێکی تر داوای هەڵبژاردن دەکەینەوە، بەڵام ئەمە لە بەرژەوەندیی یەکێتیی نیشتمانیی کوردستان نییە، هەر بۆیە قسەکەرێکی یەکێتیی نیشتمانیی کوردستان لە ئەوروپا بەرپەرچی وتەکانی مەسعودی دایەوە.
- ئێڕاق، هێزێکی زۆری لە ناوچەی موسڵ مۆڵدا و دەیەوێت هێرش بکاتە سەر زاخۆ و سەددامیش لەسەر تەلەفزیۆن وتویەتی کە بەمزووانە شمال الحبیب دێنینەوە ژێر دەستەڵاتی خۆمان....
- کوژرانی خاڵە حاجی - هەڤاڵ جووجەلە کە لە کاتی شۆڕشی ئەیلوول ئەندامێکی بەرزی پارتی دیموکراتی کوردستان بوو و پاشان بووە ئەندامی سەرکردایەتیی حسک و نێوبراو وەک دەڵێن پیاوی ئیتلاعاتی ئێران بوو.
- بۆردومانکردنی چوار گوندی ناوچەی ڕانیەی باشوور لەلایەن ئێرانەوە.
- نەتەوە یەکگرتووەکان، چوار ساڵ گەمارۆدانی ئابووریی لەسەر ئێڕاق نوێکردەوە.
- ڕژێمی ئێران بەپێی ئەو ڕێکەوتننامەیەی کە لە نێوان ئێران و تورکیا و سوریا دژی کورد بەسترا، 15 پێشمەرگەی پککی دابەدەست تورکیاوە.
- پێکدادانێکی نێوان پارتی دیموکراتی کوردستان و یەکێتیی نیشتمانیی کوردستان لە شاری هەولێر کە نزیکەی 5 تا 6 کەسیان لە یەکتری کوشتووە.
- گیرانی 8 پەڕڵەمانتاری کورد لەلایەن تورکەوە.
- پەڕڵەمانتارانی پەڕڵەمانی ڕاوێژکاری ئەوروپا، بە 26 وڵاتی ئەندامییەوە لە دژی ئانکەرە بۆ گرتنی 8 پەڕڵەمانتاری کورد ناڕەزایی بەتوندی دەربڕی.
- لە ساڵی 1987 تاوەکو ئەم ساڵ: د.ت، بایی 22 ملیۆن دۆلار چەک و کەرەستەی جەنگی کە بەشی زۆری تانک بوو لە هۆڵندا کڕی.