- بۆ پشتگیریی کوردەکانی باشوور و لە دژی شەڕی لەنێوبردنی کورد لەلایەن د.ق، هونەرکار و گۆرانیبێژە هەرە ناسراوەکانی جیهان، بەهۆی ڕەوی بە کۆمەڵی نەتەوەی کوردەوە، ئاهەنگێکی گەورەیان لە یاریگەی ویمبلی لە لەندەن سازکرد و پارەی ئاهەنگەکەش بۆ لێقەوماوانی کوردی باشوور تەرخانکرا، کە نزیکەی 600 ملیۆن تاملیاردێک کرۆنی سویدی بوو. شایانی باسە کە جۆن مایجەر سەرۆک وەزیرانی بەریتانیا و شازادە دیانا و دەیان لە نێوداران و ڕامیارەوانان تێیدا بەشداربوون. ئەمانە نێوی هەندێک لەو هونەرمەندانەن کە بەشدارییان لە ئاهەنگەکەدا کرد: گلۆریا ئیستیفاند، پێتەر گابرێل، ستین، ڕود ستیوارت، پۆل سیمۆن، کریس دوبورگ، م. س. هامەر، شناید کۆنۆر و .... ئەو گۆرانییەی کە کریس دوبورگ پێشکەشی کرد کە نێوی ڕاستییەکی سادە بوو گەلێک دەنگی دایەوە و لەسەر زۆربەی تەلەفزیۆنەکانی جیهان لێدرا.
کوردیپێدیا، ڕۆژانە (بێلایەنانە) مێژووی کوردستان تۆماردەکات... 大事年表