- د.ق هەموو گوندەکانی ناوچەی کەرکووک، قەڵا سێوکە، شوان، شێخ بزێنی و ساڵەیی تەخت کرد، هپک هەندێ شەڕی تێدا کرد، بەڵام دوژمن بە خەستی چەکی کیمیایی لە گوندی گۆپتەپە بەکارهێنا و بووە هۆی کوشتنی زێتر لە 100 هاووڵاتی و چەند پێشمەرگە. بە ناچاری پێشمەرگەکانیش نێوچەکەیان چۆڵکرد. هەر لە هەمان کات دوژمن هێرشی کردە سەر ناوچەی دەشتی کۆیە و دەشتی هەولێر، زێتر لە 100 گوندی بە چەند ڕۆژ تەخت کرد و چەند جارێک چەکی کیمیایی بەکارهێنا. بەم جۆرە هەموو نێوچەکانی گەرمیان، قەراخ، دۆڵی جافەتی، مەرگە، شارباژێر، سەفرە و زەروون، سورداش، چەمی ڕێزان، قەڵا سێوکە، ساڵەیی شوان، شێخ بزێنی، دەشتی کۆیە و دەشتی هەولێر کەوتەوە دەست د.ق و هپک یش پاشەکشەی کرد. هەموو ئەو هێرشانەی دوژمن نێونرا ئەنفالی چوار.