- هێزەکانی ینک بە فەرماندەی مەلا بەختیار هێرشیان کردە سەر هێزەکانی حسک و پدک لە ناوچەی سلێمانی مەڵبەندی یەک، شەڕ چەند ڕۆژی خایاند و هێزەکانی بەرەی جود شکان و لە نێوچەکە کشانەوە، پاش ئەوەی چەندین شەهید و بریندار و دیل لە هەردوولا درا، ئەم شەڕە حشعی نەگرتەوە چونکە مەلا بەختیار ڕێکەوتننامەیەکی لەگەڵ بەهادین نوریدا مۆرکردبوو و هێزەکانی حشع خۆیان لە شەڕی ناوچەی سلێمانی دوورگرت.
- ڕوودانی شەڕی بالیسان لە مەڵبەندی چواری یەکێتی، شەرەکە لە نێوان ینک و حسک و پدک و حشعدا بوو، لەو شەرەدا 7 پێشمەرگەی ینک و چەندین پێشمەرگەی بەرەی جود شەهید بوون، لەوانە: ئەحمەد قەمبەری - لە پم سەرەتایییەکانی کۆمەڵە1، پێشڕەو، عوسمان، بەکر توتمە و زۆری تر...
- هێرشی د.ا بۆسەر گوندەکانی هەڵەقووش و گیچە لە ناوچەی سۆما، کە بووە هۆی شەهیدکردنی 13 کەسی ئەو گوندانە کە ئەمە نێوەکانیانە: ئەحمەد، سیروان، ئیدریس ئەحمەد سیروان، جەجین ئەحمەد سیروان، مەحمود ڕەزا، ئیبراهیم جاسم، تەقی عەلی ڕەزا، جیهانگیر عەبدوڵڵا، عەبدولرەحیم ڕۆستەم، سوڵتان سەعیدی، محەمەد دێرینی، ئەسعەد عەلی، کەمال ئەسعەد و ڕەزا.
- شەهید بوونی شەمال فەرماندەی تیپی 93ی کۆیە و ڕێباز لە گەل دوو پێشمەرگەی تردا لە گوندی باداوانی دۆڵی خەڵکان، هەردووکیان لە پێشمەرگە سەرەتایییەکان بوون و ئەندامی کۆمەڵە1 بوون.