هوزانڤانەگێ نەنیاسی یە وکێم بەرهەمە و هەمی ژیانا دەردی نەهاتیە زانین وتا نوکە دتاریاتیێ دا مایە !!! ناڤێ ڤی هوزانڤانی نەهاتیە زانین وکوڕێ کێ یە وکیژ بنەمالێ یە وکەنگی ژ دایک بوویە ول کیرێ وکیژ سالێ مریە و ل کیرێ، وەسا دیارە یان خەلکێ باژێرێ ئامێدیێ یە، یان دەوروبەرا، یا ئەم دزانین ناسناڤێ وی(دەردی) یە هەروەکی دهۆزانێت وی دا هاتیە نڤیسین د بێژیت :- وەکی مەشهوری دڤی عەسری ب ئەخلاقێ جەمیل کەمترین مادحێ خو د (دەردی) ێ شەیدا تو ب گێر، هەروەسا ل دوماهیا هوزانەکا دی دا دبێژیت:- وەکی (دەردی) دسوژت نالە دکەت رۆژو وشەڤێ کافران کری یە وی تێت وفرەنگی دمەجەر، تشتێ بو مە دیار و ئاشکەراکری کو ئەم بزانین ئەڤ هۆزانڤانە کەنگی ژیایە هوزانەکا وی یە کو دڤێ هۆزانێدا پەسنا (مەدحێ) میرێ ئامێدیێ (میر عادل کوڕێ ئیسماعیل پاشایێ ئێکێ کوڕێ بەهرام پاشایێ مەزن...) دکەت کو میر عادل برایێ مراد و میر محەمەد تەیار پاشا(غەریبی) کو ئێک بوویە ژ هۆزانڤانێت مەزن یێن بەهدینان، میر عادل پاشا کەسانەکێ بناڤ و دەنگ بوو، خودان زانین و تیگەهشتی بوو و نەرم حەلیم بوو مللـەتێ وی هەمیێ حەز ژێ دکر گەلەک بهایێ خو ل میرگەها بەهدینان هەبوو، ل سالا(1219) مشەختی هەڤبەری سالا(1804) زاینی بوویە میرێ بەهدینان ل ئامێدیێ سەر دەمێ وی یێ پر بوویە ژ رویدان ونەخوشی و شەڕ و شورێن ناڤخوی ل ناڤبەرا وی و برایێن وی و ل ناڤبەرا وی میرگەهێن دی یێن کوردی. هۆزانڤان(دەردی) بەحسێ زیرەکی و مێر خاسی و قارەمانیێن وی دکەت و گەلەک پەسنێن جوان و دجهێ خودا بو میر عادل بەگێ دارشتی نە و دهۆزانێ دا ڤان ناڤا بو رێز دکەت (شێر، روستەم، بەهرامێ زەمان، حاکم، سوڵتانێ قەدیر، میر، خودانکەرێ مەساکین و فەقیرا، و هەرچوار تەرەفا خەلکەکێ مەزن دەستێن خو بلند دکەن و دوعا بوو دکەن، وەجهێ مونیر، ئەخلاقێ جەمیل، هەمی پەسنێن هۆزانڤان دەردی نە ژبوو میر عادلی. دیسان بەحسێ جەنگێن وی دکەت و هەروەسا دیروک ژی بەحس دکەت و ب تایبەت (جەنگی بازێ و سراندری) دوو گوندێن دەڤەرا بەرواری باڵانە کو وی بخو پشکداری دجەنگی دا کریە، لەوما ئەم دشیێن بێژین هوزانڤان(دەردی) هەڤدەم و نیزیکێ میر عادل بوویە و ل سەر دەمێ وی ژیایە، ومیر عادل میر میرگەها بەهدینان ل ئامێدیێ ل سالا(1222مشەختی هەڤبەری سالا(1807 زایینی ب تاعونێ مری یە.
Este artículo ha sido escrito en (کرمانجی - کوردیی سەروو) Lenguaje, haga clic en el icono de
para abrir el artículo en el idioma original!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Este artículo ha sido visitado veces 3,938