کوڕێ ئیسماعیل پاشایێ ئێکێ کوڕێ میر سەعیدخان بەگێ دووێ هەروەسا تا دگەهیتە سوڵتان حوسێن وە لی و میر سێڤدینی و میر بها و الدین کو ژ بنەمالا میرێت ئامێدیێ یه. ل سالا (1199) مشەختی هەڤبەری سالا (1784)زایینی ل باژێرێ ئامێدیێ ژ دایک بوویه. ل رۆژا (18)صەفەری سالا(1213)مشەختی هەڤبەری رۆژا (27-10-1798) زایینی ئیسماعیل پاشایێ ئێکێ بابێ وی چوویە بەر دلوڤانیا خۆدێ مەزن ل باژێرێ ئامێدیێ و بەری بمریت وەسیەت کربوو کو کورێ وی محەمەد تەیار پاشا بچیتە سەر کورسیا حوکمڕانیێ ژبەر کو ئەو کوڕێ خو گەلەک دڤیا و بچویکترین کوڕێ وی بوو ژ هە ڤژینا وی یا ئیکێ. ژیێ محەمەد تەیار پاشا نەگەهشتبو (15)سالیێ دەمێ ل دیڤ وەسیەتا بابێ خو چوویە سەر کورسیکێ و هەمی تشتێن میر گەهێ ژ خزینە و چەک و لوئلوئو پارە و مولک کە فتنە د دەستێ وی ژبەر وێ یەکێ ئاریشە دناڤبەرا وی و برایێن وی و ب تایبەتی برایێ وی یێ مەزن (مراد خانبەگێ) پەیدا بوون و ب دەهان شەڕ دناڤبەرا وی و برایێن وی دا بوون ژ بەر وێ یەکێ دوو بەرەکیا دناڤبەرا واندا بو ئەگەرێ لاواز بوونا میرگەها بەهدینان، ل سالا(1803) زایینی برایێ وی یێ مەزن مراد خانی دەستهەلاتا میرگەهێ ژێ ستاند.هۆزانڤان محەمەد تەیار پاشا (غەریبی) خواندنە کا بە رفرە ژ زانست و زانیاریێن وی سەردەمی خواند بوون هەروەکی دیروکنڤیسێ عە رە ب (یاسین عمری) دبێژیت (محەمەد تەیار پاشا کەسانەکێ خودان علم و زانین وتێگەهشتی و خودان هەیبەت بو و خودان یەخلاقەکێ مەزن بوو) هۆزانڤان غەریبی بو جارا ئێکێ وەک هۆزانڤان هاتی یە نیاسین ل دەمێ دیوانا مەلایێ جزیری ب دەست خەتێ خو یێ جوان نڤیسی و تێدا چەند پارچە هەلبەستێن هۆزانڤانێت کورد یێن سەردەمێ وی و بەری وی و گە لە ک هۆزانڤانێن فارس ژی وە کی (جامی،نیزامی،سەعد،خەیام)ی ویێن کورد وەکی(مەلایێ جزیری، ئەحمەدێ خانی، پە رتویێ هە کاری، سۆلتان مراد خانێ ئامێدی یێ هۆزانڤان و سادقێ ئامێدی) وگەلەکێت دی وهژمارەکا مە زن یا هۆزانێن هۆزانڤانێت کورد ل ناڤ کەشکولێ وی دا هە بوون و هژمارەکا هۆزانا وی بخو نڤیسی و بناڤێ (الراقمە فقیر 92) ئانکو ناڤێ (محەمەد) و گە لە ک هۆزانیێن خو بناڤێ (غەریبی) نڤیسینه، میراتی ل کە لها ئامێدیێ و کە لها ئاکرێ کریە و مروڤێ میرێ میرگەها بابانی یا بوویە و میرێ بابانی یا پشتەڤانیا وی کریە هەر وەسا هۆزانڤان محەمەد تەیارپاشا (غەریبی) هۆزان ب زاراڤێ سوڕانی ژی هەنە و دە ستە کێ زێڕین هە بوویە دزمانێ کوردی دا و خوشنڤیسە کێ شەهرەزاا و بسپور بوویە د وارێ خوشنڤیسیێ دا دناڤ کەشکولەکێ وی دا پتر ژ (82)هۆزانێن وی ویێن هۆزانڤانێن کورد تێدا بوون، ل سالا (1233)مشە ختی هە ڤبە ری سالا (1818)زایینی هۆزانڤان محەمەد تەیار پاشا (غەریبی) لدویڤ سالا ژدایک بوونێ مرنا وی (34) سالا ژیایه، هەروەکی دنڤیسینەکا فارسی دا هاتی یە دبێژیت (وفات محەمەد تەیار پاشا دران سال بود فی (1233).
This item has been written in (کرمانجی - کوردیی سەروو) language, click on icon
to open the item in the original language!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 4,746 times