شێلادزێ ئێکە ژ مەزنترین کومەلکەهێن دەڤەرا ئامێدیئامێدیێ، د کەڤیتە روژهەلاتا ناحیا دێرالوک ب دویراتیا (13) کم و روژ ئاڤایا کومەلگەها سیریێ ب دویراتیا (3) کم، ل ژێریا کومەلکەهێ رویبارێ (زێ) یە و ل باکورێ وێ چیایێ (کورەژارە).
گوندێ شیلادزێ تا سالا 1975 پێکهات بو ژ 30 تا 40 مالا، سالا 1976 گوندێن لسەر سنورێ تورکیا هاتنە کاڤلکرن و سوتن ژ لایێ رژێما عیراقێ ڤە وخەلکێ ڤان گوندا : (بێدە – پیراڤدەلا – خوارى – قەسرکێ – هیش – ستب - مەیدانێ - نێروە سیتو – ئەرتیس – بیرێ) رژێما عیراقێ گوندێن وان کاڤلکرن وخەلکێ وان بخورتى لسەر گوندا راکرن و ئەوان قەستا دەشتا زێ کر و ئاکنجیبون ل دەورو بەرێن شێلادزێ، چونکە وان نەدڤیا دویرکەڤن ژ جهێ باب و باپیرا 0 بێ کو رژێما عیراقێ دەستێ هاریکاریێ بو درێژ بکەت، وەک ئاڤاکرنا خانیا، یان قەرەبوکرن 0
سالا 1978 ێ کومەلگەها شێلادزێ هاتە ئاڤاکرن ژ لایێ رژێما عیراقێ ڤە و (650) خانى یێن ئاخێ هاتنە دروست کرن دماوەى سێ هەیڤادا، چ مەرجێن ئاکنجیبونا مروڤا د ڤان خانیادا نەبون، چوونکە ب لەز هاتنە ئاڤاکرن و زورد بێ سەرو بەربون 0 ئەو گوندێن ئاکنجیبوین ل شێلادزێ سالا 1978 ئەڤەبون : (بەنستان – مروانس – دێرکێ – دهیک روژهەلات – رزێ - شابەکەما - هولیانى - دەعەلکى – مێریاڤا – رەزگە – شامکى – سنجى – هورە - کوکەرێ – بێبو – سپێر) 0
کومەلگەها شێلادزێ هەر ژ روژا ئاڤاکرنا وێ تا سەرهلدانا پیروز سالا (1991) چ پروژە و خزمەت گوزارى ژلایێ رژێما گوربگور ڤە بو نەهاتینە پێشکێش کرن 0 بو نمونە، ئێک جادە یان کولان نەهاتبونە سەبکرن یان قێرکرن 0 خەلکێ وێ هەمى د هەژاربون، چوونکە هاتنە ڤەقەتاندن و قەدەغەکرن ل گوندێن وانا، چ کار یان پروژە نەبون ل دەڤەرى، کو بشێن لسەر شول بکەن و نانەکێ بو خێزانا خو دابین بکەن، ژبلى هندى کو بهینە گرێدان ب رژێمى ڤە، چوونکە مەرەما رژێمى ئەوبو، کو هەمى خەلکى ب خوڤە گرێدەت ژ بو جێ بەجێ کرنا پیلانێن خو دژى مللەتێ کورد 0
پشتى سەرهلدانا پیروز سالا 1991 خەلکێ مە ئەوێن ئاوارە و دەربەدەربوین ل تورکیا و ئیرانێ، ڤەگەریانە کوردستانێ و زوربەى وانا ئاکنجیبون ل شێلادزێ، روژ بو روژێ کومەلگەها شێلادزێ یا بەرفرەە دبیت و بەرەف شارستانیەتێ دچیت و نوکە هژمارا ئاکنجیێن شێلادزێ گەهشتى یە ( (16000 کەسا ونێزکى (3000) خانى لێ هەنە و هژمارا سەروک خیزانا نێزیکى (3500) سەروک خێزان.

سالا (2001) بو جارا ئێکێ جڤاتا باژێرڤانیێ هاتە هەلبژارتن و سەروکاتیا باژێرڤانیا شێلادزێ هاتە دامەزراندن و ل روژا 09-06-2001 دەست بکارێ خوکر، زور پروژە و خزمەت گوزارى هاتنە پێشکێش کرن ژلایێ سەروکاتیا باژێرڤانیا شێلادزێ ڤە، ب پشتەڤانیا حکومەتا هەرێما کوردستانێ وەک : (قیرکرن و سەبکرنا جادێن نافخویى، دروستکرنا باخجێن گشتى و باخجێ زاروکا، ئاڤ رێژێن سندوقى، دوو قوتابخانە، دوو یاریگەهێن تەپا پێ، مجزرە، ئاڤاهیێ بگورا شێلادزێ، ویستگەها ب هێزکرنا کارەبێ، بانکا شێلادزێ، سەنتەرێ رەوشەنبیرى) 0

دیسان روژانە باژێرڤانى رادبیت ب کارێ پاقژکرنا باژێرى و راکرنا گلێشى 0 گەلەک جووک و رێکێن پەیادا هاتینە چێکرن وسەبکرن ژلایێ باژێرڤانیێ ڤە لسەر سلفا هەیڤانە.
دیسان سنورێ باژێرڤانیى بەرفرە بوویە و ژ لایێ روژهەلاتێ گەهشتى یە کومەلگەها سیریێ و ژ لایێ روژئاڤا گەهشتى یە گوندێ شیف چنارکێ و ژلایێ باکوری ڤە گەهشتى یە گوندێ ئاوکا 0
هەژى گوتنێ یە کو سەروکاتیا باژێرڤانیا شێلادزێ رابویە ب کارێ پیڤان و (تسویە) کرنا عەردێ شیلادزێ و هژمارەکا زور یا پارچێن عەردى هاتینە (فرز) کرن

0 ژبەر قەیرانا ئاکنجیبونێ ل دەڤەرێ، سەروکاتیا باژێرڤانیا شێلادزێ رابویە ب دابەشکرنا پارچێن عەردى لسەر هاولاتیا، پشتى رەزامەندیا جهێن پەیوەندیدار هاتیە وەرگرتن تا نوکە (528) پارچێن عەردێ نشتەجیبونێ هاتینە دابەشکرن لسەر خێزانێن شەهیدا و پەککەفتیا و فەرمانبەرا و خێزانێن هەژار 0 هژمارەکا دى یا پارچێن عەردى هاتینە بەرهەفکرن و ل ڤان نێزیکا دێ هێنە بەلافکرن لسەر خەلکێ دەڤەرێ 0
بازارێ شێلادزێ زور یێ پێشکەفتى یە و دوکانێن جورا و جور لێ هەنە و بهایێ بازارى ژ دەور و بەرێن شێلادزێ ئەرزانترە، لەورا خەلکێ ئامێدیێ و دیرالوک و بارزان قەستا شێلادزێ دکەن، ژ بو دابینکرنا پێدڤیێن روژانە ژ کەرەستێن ناف مالێ و ئاهێن خوارنێ و فێقى و زەوزەواتى0
خەلکێ شێلادزێ حەز ژ رێنجبەریێ دکەت، هەمى جورێن پیشەیا لێ هەنە وەک : (بنا و – لباخ – ئاسنگەر – فیتەر – وایرمن – چێکرنا دەرگەە و پەنجەرێن المنیوم – دانانا کاشى و سیرامیکى - 00000 هتد) و نوکە پیشانگەهێن ترۆمبێلا لێ هەنە.
دیسان خەلکێ شێلادزێ زوربەى وانا پێشمەرگێن دێرینن و شەرەف مەندن و چەکێ شەرەفێ هەلگرتى یە و خەبات و بەرخودان وشورەش و سەرهلدان تومارکرینە وبەشدارى ب دەهان داستانا دا کریە دژى دوژمنى و زوردارى و ستەمکارى قەبیل نەکریە و ب سەدان شەهید داینە.[1]

#ئامێدی |