لەساڵی 1913 لەشاری عەمارە لەباشوری عیراق لەدایک و باوکێکی کورد لەدایکبووە، لەتەمەنی 7 مانگیدا پاش کۆچی دوایی باوکی، لەگەڵ دایکیدا چووەتە ماڵی خاڵی و لەژێر سایەی ئەودا گەورەبووەو دواتریش چوون بۆ شاری #سلێمانی#.
فوئاد عارف لەساڵی 1928 لەکۆلێژی سەربازی وەرگیراوەو بووەتە هاوڕێی پادشا غازیی عیراق، دواتریش بووە بەهاوڕێی شەخشی شا غازی لەسەرجەم گەشتەکانیدا، لەساڵی 1941 عارف بەپلەی عەقید بووە بەفەرماندەی فەوج لەسەربازگەی مەنسور، دواتر بەشێوەیەکی کاتی خۆی تەرخانکردووە بۆ موتەسەریفیەت (پۆستی پارێزگار) ی کەربەلا، دواتر پلەکەی بۆ لیوا بەرزکراوەتەوە.
فوئاد عارف ڕۆڵێکی دیارو گرنگی بینیوە لەهێورکردنەوەی کێشەی نێوان عەبدولکەریم قاسم و عەبدولسەلام عارفدا، ماوەیەکیش پۆستی وەزارەتی کاروباری ئەوقافی عیراقی لەئەستۆ گرتووەو دواتریش چەندین پۆستی باڵای وەک جێگری سەرۆک کۆمارو سەرۆکی ئەرکانی سوپای لەئەستۆگرتووە.
لە 05-06-2010 لە شاری سلێمانی کۆچی دوایی کرد.