ڕۆژی 12-01-1992 ژمارە سفری ڕۆژنامەی کوردستانی نوێ چاپ وبڵاوکراوەیەوە و بووە یەکەم ڕۆژنامەی ڕۆژانەی دوای ڕاپەرِینەکەی خەڵکی کوردستان لەئاداری 1991 کە تائێستاش بەردەوامە لەدەرچوون، کە بۆئەوێ ڕۆژێ دەرکردنی ڕۆژنامە بەواتای ڕۆژنامەی هەواڵ و بەدواداچوونی ڕۆژنامەگەریی، کارێکی ئاسان نەبوو.
ئەگەرچی #یەکێتیی نیشتمانیی کوردستان# لەمێژووی سیاسی و پێشمەرگایەتی و ڕۆشنبیریی و ڕۆژنامەگەریی خۆیدا خاوەنی سەدان نەبەردیو بەرهەمی داهێنارانەو کاری دەستپێشخەرییانەو داهێنانە، بەڵام بۆ دەرکردنی ڕۆژنامەیەکی ڕۆژنامە دوای پرس ورِایەکی زۆرو وەدەستخستنی وەڵامی دەیان پرسیار، ئینجا برِیاریدا کە گەڵاڵەنامەکانی سەر کاغەز بۆ کاریی پراکتیکی بگوازێتەوە.=KTML_Photo_Begin=https://www.kurdipedia.org/files/relatedfiles/2010/3283/0003.JPG=KTML_Photo_Alt=کوردستانی نوێ=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2010/3283/0003.JPG=KTML_Photo_End=
هەرلەگەڵ ڕۆژەگەرمو بەجۆشەکانی ڕاپەرِینی 1991دا ئەو بیرۆکەیە خرایە سەر کاغەز تابەشێوەیەکی عەمەلی ئیشی بۆ بکرێت، بۆ ئەمەش بەگوێرەی ڕێنماییو دوای بروسکەیەکی هەڤاڵ #مام جەلال# برِیاری جێبەجێکردنی درا، لە #هەولێر#و #سلێمانی# دەست بەکۆبوونەوە کرا. لە هەولێر دوو دانیشتنی فراوانکرا، یەکێکیان بەسەرپەرشتی کاک کۆسرەت ڕەسوڵ عەلی و کۆبوونەوەی دووەمیش بەسەرپەرشتی کاک ئەرسەلان بایز، لەهەردوو کۆبوونەوەکەدا کۆمەڵێک ئەدیب و نووسەرو شارەزای بواری هونەری ئامادەیبوون. لەشاری سلێمانیش بۆ هەمان مەبەست چەند دیدارێک ڕێکخرا.
دوای ئەوەی ستافێک بۆ ڕۆژنامەکە دیاریکرا، ڕۆژی 1 02-01-1992 ژمارە سفری ڕۆژنامەی کوردستانی نوآ خرایە ژێرچاپو بڵاوکرایەوە کە لێی نووسرابوو (کوردستانی نوێ، یەکێتیی نیشتمانیی کوردستان دەریدەکات) و شاری هەولێر بووە بنکەی سەرەکی ڕۆژنامەکەو چاپخانەی ڕۆشنبیری دەسنیشانکرا بۆ چاپکردنی ڕۆژنامەکە.
دەرکردنی ژمارە سفر تاقیکردنەوەیەکی سەخت بوو، زۆربەی هەرەزۆری ستافی ڕۆژنامەکە ڕۆژیان لەچاپخانە کردەوە، دوای 14 ڕۆژ پشوو بۆ دابەشکردنی کاروبارەکان بەکاری ئیداریشەوە، ڕۆژی 26-01-1992 ژمارە(1) لەرۆژنامەی کوردستانی نوێ چاپو بڵاوکرایەوەو وەک ڕۆژنامەیەکی ڕۆژانە دەستی بەبڵاوکردنەوە کرد.
کوردستانی نوێ یەکەمین ڕۆژنامەشە کەداوای مۆڵەتی دەرکردنی لە #وەزارەتی ڕۆشنبیری# حکومەتی هەرێمی کوردستانکردووەو وەزارەتیش مۆڵەتی ژمارە یەکی بە ڕۆژنامەکە داوە.
$لاپەرِەکانی ڕۆژنامەکە$
لە ژمارەسفر تاکو ژمارە 81، ڕەنگی ڕۆژنامەکە ڕەشو سپی و سوورە. لەژمارە 82 تا 94 ڕەنگی ڕەش و سپی و سەوز بەکارهاتووە.لە ژمارە 95 تا 102 ڕەنگی ڕەش وسپی و سوور بەکارهاتۆتەوە. پاش ماوەیەک، زیاتر کار لەسەر ڕەنگی سەوزکراوە وەک سمبۆلی ڕەنگی ییەکێتیی نیشتمانیی کوردستان کە تاکو ئێستاش بەکارهێنانی ئەو ڕەنگە بەردەوامە، واتەرەنگی زاڵ، ڕەنگی سەوزە. بەڵام لەبۆنە تایبەتییەکاندا لاپەرِەکانی یەکەمو دوالاپەرِە کراونەتە ڕەنگاورِەنگ وپێنج ساڵ زیاتریشە ڕۆژنامەکە بەرەنگاو ڕەنگی دەردەچێت، بە تایبەتیش لاپەرِەکانی یەکەم و دوالاپەرِەو دوو لاپەرِە لە لاپەرِەکانی ناوەوە ڕەنگاو ڕەنگن. سەرەرِای دەرکردنی چەند پاش#کۆیە#کی ڕەنگاورِەنگ.
$ئۆفیسی ڕۆژنامەکە$
لەمانگی کانوونی دووەمی ساڵی 1992 تا ڕۆژی 31-08-1996 ئۆفیسی سەرەکی ڕۆژنامەکە لەشاری هەولێر بوو، لەو مێژووەوە تائەمرِۆ ئۆفیسی سەرەکیی لەشاری سلێمانییەو لەشارەکانی تریش نووسینگەی هەیە.
$سکرتاریەتی نووسین$
لەژمارە سفری ڕۆژی 1 02-01-1992 سکرتاریەتی ڕۆژنامەکە بەم شێوەیە لەسەر ڕۆژنامەکەدا نووسراوە:
سەرنووسەر: ئەرسەلان بایز، سکرتێری نووسین: ئازادجندیانی
لەژمارە 116ی ڕۆژی 16-06-1992 ناوی فریاد #ڕواندز#ی وەک بەرِێوەبەری نووسین خراوەتە سەر ڕۆژنامەکە.
لەژمارە 164ی ڕۆژی 13-08-1992 - ەوە ئازاد جندیانی بۆتە جێگری سەرنووسەر.
دوای ئەوەی پەرلەمانی کوردستان ڕەزامەندی لەسەر یاسای چاپەمەنییەکان دەربرِی، ڕۆژنامەی کوردستانی نوێ یەکەمین ڕۆژنامە بوو کە داوای مۆڵەتی ڕەسمی لە وەزارەتی ڕۆشنبیری حکومەتی هەرێمی کوردستان کرد، مۆڵەتی ژمارە یەکی پێدراو د.فوئاد مەعسوم بووە خاوەن ئیمتیاز و ناوی لەسەر ڕۆژنامەکە دانرا، ئەمەش لەژمارە 451ی ڕۆژی 02-08-1993 جێبەجێکرا.
لەژمارە 543ی ڕۆژی 203-11-1993 فەرەیدون عەبدولقادر لەجێگای ئەرسەلان بایز بۆتە سەرنووسەری ڕۆژنامەکە و جێگری سەرنووسەرو بەرِێوەبەری نووسین وەکو خۆیان ماونەتەوە.
ڕۆژی 23-01-1994 ناوی ئازاد جندیانی لەسەر ڕۆژنامەکە نەماوە.
لە ژمارە 596ی ڕۆژی 25-01-1994 ناوی فریاد ڕواندزی لەسەر ڕۆژنامەکە نەماوە. ناوەکان بەمجۆرە ماونەتەوە:
خاوەنی ئیمتیاز: د.فوئاد مەعسوم، سەرنووسەر: فەرەیدون عەبدولقادر
لەژمارە 1251ی ڕۆژی 01-04-1996 گۆرِانکاری لەسکرتاریەتی نووسیندا بەم شێوەیە کراوە:
خاوەن ئیمتیاز: د.فوئاد مەعسوم، سەرنووسەر: فریاد ڕواندزی، جێگری سەرنووسەر: دڵشاد عەبدوڵڵا
لەژمارە 1853ی 05-05-1999 گۆرِانکاری بەم شێوەیە کراوە:
خاوەنی ئیمتیاز: د. فوئاد مەعسوم، سەرنووسەر: فریاد ڕواندزی، جێگرانی سەرنووسەر: دڵشاد عەبدوڵڵا- ستران عەبدوڵڵا، بەرِێوەبەری نووسین: کاوە محەمەد.
لەژمارە 1886 ی ڕۆژی 21-06-1999 ناوی دڵشاد عەبدوڵڵا لەسەر ڕۆژنامەکە نەماوە.
لەژمارە 2188 ی ڕۆژی 03-07-2000 سەرنووسەری ڕۆژنامەکە گۆرِاوەو ستافی سکرتارییەتی نووسین بەم شێوەیە نووسراوە:
خاوەن ئیمتیاز: د. فوئاد مەعسوم، سەرنووسەر: مەحمود مەلاعززەت، جێگری سەرنووسەر: ستران عەبدوڵڵا
بەرِێوەبەری نووسین: کاوە محەمەد.
لەژمارە 2723 ی ڕۆژی 07-04-2002، ناوی کاوە محەمەد وەک سەرنووسەر چۆتە سەر ڕۆژنامەکەو جێگری سەرنووسەریش شێرکۆ مەنگورِی. پێشتریش کاوە محەمەد جێگری سەرنووسەرو شێرکۆ مەنگورِی بەرِێوەبەری نووسین بوون.
لەژمارە 4938ی ڕۆژی 31-07-2009 ناوی کاوە محەمەدو شێرکۆ مەنگورِی لەسەر ڕۆژنامەکە نەماوە. لەو ماوەیەی کە کاوە محەمەد سەرنووسەر بووە ناوی: کەژاڵ ئەحمەد، توانا ئەحمەد، جەمال عەبدوڵڵا، عەدالەت عەبدوڵلا وەک سکرتێری نووسین چۆتە سەر ڕۆژنامەکە. بەڵام لەماوەی جیاوازدا.
لەژمارە 4940ی ڕۆژی 02-08-2009، ناوی ستران عەبدوڵڵا وەک سەرنووسەر چۆتە سەر ڕۆژنامەکەو دوای سێ ڕۆژیش واتە ڕۆژی 05-08-2009 سکرتاریەتی نووسین بەم شێوەیە نووسراوە: کاروان عەلی، شیرین.ک، محەمەد کەریم. کە تا ئێستا ئەو ستافە بەردەوامن.
$پاشکۆکان$
کوردستانی نوێ، بەدرێژایی مێژووی دەرچوونی کەزیاتر لە بیست ساڵە بەبەردەوامی دەردەچێت، چەندین پاشکۆی دەرکردووە، کەبەشێکیان لەئێستادا نەماونو بەشێکیشیان ناوە ناوە دەردەچن، یان بۆ یەکجار دەرچوونە، لێرەدا ئەو پاشکۆیانە دەخەیەنە ڕِوو کە ئێستا بەردەوامن لەدەرچوون:
$پاشکۆی ئەدەب و هونەر$
ڕۆژی 28-01-1993 یەکەم ژمارەی پاشکۆی ئەدەبو هونەر بە چوار لاپەرِەی هەفتانە دەرچووە، لەقەبارەی تابلۆیددا بوو، لەناو ڕۆژنامەکە دادەنرا بەڵام بەخۆرِایی بوو، ڕیزبەندی لاپەرِەکانی سەربەخۆ بوو، بەشێک نەبوو لەریزبەندی لاپەرِەکانی ڕۆژنامەکە، ئەم حاڵەتە تا ژمارە 20ی پاشکۆکە بەردەوام بوو. بۆ ماوەیێک وەستاو پاشان دەستی بەدەرچوون کردۆتەوە. جارێکی تر وەستاوەتەوەو پاشان دەستی بەدەرچوونکردۆتەوە. بەگشتی دەکرێت تەمەنی ئەم پاشکۆیە بەسەر چوار قۆناغدا دابەشبکرێت. لەخوولی یەکەمو دووەمو سێیەمدا 174ی ژمارەی لێدەرچووە. لەخوولی چوارەم ڕۆژی 30-03-2000 بە 8 لاپەرەی سەربەخۆ دەرچۆتەوەو ژمارە 175 یپێدراوەو تائێستاش بەردەوامە.
سەرپەرشتیاری ئەم پاشکۆیە لە هەولێر، سەعدوڵڵا پەرۆش بووەو دوای ئەوەی ڕۆژنامەکە چۆتەسلێمانی، شیرین.ک بۆتە سەرپەرشتیار، پاشان سیامەند هادیو ئێستاش #مەریوان# مەسعود لێپرسراوی پاشکۆی ئەدەبو هونەرە.
$ستادیۆم$
سەرەتا وەک پرۆڤەیەک، بۆدەرکردنی پاشکۆیەکی هەفتانە، ڕۆژنامەی کوردستانی نوێ، (3) ژمارەی تایبەتی پاشکۆی (ستادیۆمی پەروەردە)ی دەرکردووە کە تایبەت بوو بەخوولە وەرزشییەکانی نێوان هەڵبژاردەکانی پەروەردەی هەرێم. ئەو (3) ژمارەیەش، بەم شێوەیە بڵاوکراوەتەوە: ڕۆژی (16-03-2002) ژمارە یەک. ڕۆژی (30-03-2002) ژمارە دوو.رۆژی (01-05-2002) ژمارە سێ.
دواتر ڕۆژی (21-07-2002) یەکەم ژمارەی وەک پاشکۆیەکی هەفتانە بڵاوکرایەوەو (29) ژمارەی بە قەبارەی (A4) لێدەرکرا، دوا ژمارەی لەرِۆژی (18-02-2003)دابوو، بەهۆی هاتنە پێشەوەی پرۆسەی ئازادی عیراقەوە وەستێنرا.
پاشان هەر بە هەفتانە درێژە بەدەرکردنی پاشکۆکە درایەوەو ڕۆژی (15-06-2005) ژمارە (30)ی لێدەرکرا، ڕِۆژی (22-05-2007)، ژمارە (75) ی لێدەرکراوە.
لە ژمارە (76)داو لەرِۆژی (01-06-2006)دا کراوە بەرِۆژانەو تائێستاش بەردەوامە. ستافەکەی پێکهاتوون لە سەرپەرشتیار: ئیسماعیل مەحمود، جێگری سەرپەرشتیار: سەنگەر زرار، بەڵام ئەوە چەندساڵێکە تەنیا ناوی ئیسماعیل مەحمود وەک سەرپەرشتیار لەسەر پاشکۆکە ماوە.
$خێزانی کوردستانی نوێ$
پاشکۆیەکی هەفتانەیە، لەرۆژی 08-12-2009 یەکەمین ژمارەی دەرچووەو گرنگی بەمنداڵو کاروباری خێزانو ناوماڵ دەدات. چوار لاپەرِەیە، سەرپەرشتیارەکەی ڕۆزا دڵشاد مەریوانی بوو، پاشان سەرپەرشتیارەکەی گۆرِاوە بۆ کۆسار عوسمانو ئێستاش بەشێوەیەکی کاتی ڕاوەستاوە.
$کاکێشان$
پاشکۆیەکی هەفتانەیە، تایبەتە بەبوارەکانی زانستە مرۆڤایەتییەکانو فەلسەفەو جیهانبینی نوێ بۆ ڕووداوەکان. یەکەمین ژمارە ڕۆژی چوارشەممە 25-08-2010، بە 12 لاپەرە دەرچووە، تائێستاش بەردەوامە. سەرپەرشتیار: مەحمود شێرزاد.
$کەشتی نوح$
پاشکۆیەکی هەفتانەی تایبەتە بەبوارەکانی زانستو زانیاری نوێ، ژمارەی یەکەمی لەرِۆژی 11-10-2011 دەرچووە، ئێستاش بەردەوامە.4 لاپەرِەیە. سەرپەرشتیاران: هێرۆ جەزا، تارا شێخ عوسمان.
$کوردستانی گەنج$
سەرەتا مانگی جارێک بە 12 لاپەرِە دەرچووە، پاشان دوو هەفتە جارێک دەرچووەو بۆتە 8 لاپەرِە. تایبەتە بە گەنجان. ژمارە 1 ڕۆژی 25-01-2011 دەرچووە سەرپەرشتیار: پشتیوان زاهیر بوو، لە ئێستاشدا سەرپەرشتیارەکەی بووە بە مەحمود نەجمەدینو بەردەوامە لەدەرچوون.
$ئەدگار$
پاشکۆیەکی تایبەتەو ناوبەناو دەردەچێت. تایبەتە بەکەسایەتییەکانی بواری ئەدەبو نووسینو هونەرمەندان. ژمارە 1 ڕۆژی 16-12-2010 دەرچووە. ئەم ژمارەیە تایبەتە بە شاعیرو نووسەر کەریم دەشتی. هەشت لاپەرِەیە. دووەمین ژمارە تایبەتە بە ڕۆماننوسو نووسەر محەمەد موکری ڕۆژی 04-04-2011 بە 44 لاپەرِە دەرچووەو لەئێستاشدا بەردەوامە لەدەرچوونو مەریوان مەسعود سەرپەرشتی دەکات.
سەرنج: هەندێک پاشکۆی سیاسیی و فیکریو بۆنە هەیە، ناوبەناو دەردەچێت لەژێر ناویشانی جیاجیا لەوانە: دۆسێ، دوورِیانو هیتر.
زنجیرەی کتێبە چاپکراوەکانی کوردستانی نوێ
ڕۆژنامەی کوردستانی نوێ هەر لەگەڵ ساڵی یەکەمی دەرچوونیدا دەستی بەچاپکردنو دەرکردنی کتێبو نامیلکە کردووە. یەکەمین کتێب کە چاپیکردبێت، ڕاپۆرتی سیاسی بوو، کە هەڤاڵ مام جەلال لەکۆنگرەی گشتی یەکێتیی نیشتمانیی کوردستاندا ساڵی 1992 پێشکەش بە ئەندامانی کۆنگرەی کرد. دووەم کتێب، نامیلکەیەک بوو لەنووسینی مام جەلال کە بانگەوازێک بوو بۆ حزبو دەستەو ڕێکخراوو گروپە چەپەکان بۆ یەکگرتنەوەیان لەگەڵ یەکێتیی نیشتمانیی کوردستاندا، تائێستا پرِۆسەی چاپکردنی کتێب بەردەوامە، ئەمساڵ ساڵی کتێبە چاپکراوەکانی کوردستانی نوێ بووە، کە زیاتر لە 20 کتێبی چاپکردووە و لەئێستاشدا چاپکردنی کتێب بەردەوامە.[1]