رۆژی 12-01-1992 ژمارە سفری رۆژنامەی کوردستانی نوێ چاپوبڵاوکراوەیەوە و بووە یەکەم رۆژنامەی رۆژانەی دوای راپەرِینەکەی خەڵکی کوردستان لەئاداری 1991 کە تائێستاش بەردەوامە لەدەرچوون، کە بۆئەوێ رۆژێ دەرکردنی رۆژنامە بەواتای رۆژنامەی هەواڵ و بەدواداچوونی رۆژنامەگەریی، کارێکی ئاسان نەبوو.
ئەگەرچی
یەکێتیی نیشتمانیی کوردستانیەکێتیی نیشتمانیی کوردستان لەمێژووی سیاسی و پێشمەرگایەتی و رۆشنبیریی و رۆژنامەگەریی خۆیدا خاوەنی سەدان نەبەردیو بەرهەمی داهێنارانەو کاری دەستپێشخەرییانەو داهێنانە، بەڵام بۆ دەرکردنی رۆژنامەیەکی رۆژنامە دوای پرس ورِایەکی زۆرو وەدەستخستنی وەڵامی دەیان پرسیار، ئینجا برِیاریدا کە گەڵاڵەنامەکانی سەر کاغەز بۆ کاریی پراکتیکی بگوازێتەوە.
هەرلەگەڵ رۆژەگەرمو بەجۆشەکانی راپەرِینی 1991دا ئەو بیرۆکەیە خرایە سەر کاغەز تابەشێوەیەکی عەمەلی ئیشی بۆ بکرێت، بۆ ئەمەش بەگوێرەی رێنماییو دوای بروسکەیەکی هەڤاڵ
مام جەلالمام جەلال برِیاری جێبەجێکردنی درا، لە
هەولێرهەولێرو
سلێمانیسلێمانی دەست بەکۆبوونەوە کرا. لە هەولێر دوو دانیشتنی فراوانکرا، یەکێکیان بەسەرپەرشتی کاک کۆسرەت رەسوڵ عەلی و کۆبوونەوەی دووەمیش بەسەرپەرشتی کاک ئەرسەلان بایز، لەهەردوو کۆبوونەوەکەدا کۆمەڵێک ئەدیب و نووسەرو شارەزای بواری هونەری ئامادەیبوون. لەشاری سلێمانیش بۆ هەمان مەبەست چەند دیدارێک رێکخرا.
دوای ئەوەی ستافێک بۆ رۆژنامەکە دیاریکرا، رۆژی 1 02-01-1992 ژمارە سفری رۆژنامەی کوردستانی نوآ خرایە ژێرچاپو بڵاوکرایەوە کە لێی نووسرابوو (کوردستانی نوێ، یەکێتیی نیشتمانیی کوردستان دەریدەکات) و شاری هەولێر بووە بنکەی سەرەکی رۆژنامەکەو چاپخانەی رۆشنبیری دەسنیشانکرا بۆ چاپکردنی رۆژنامەکە.
دەرکردنی ژمارە سفر تاقیکردنەوەیەکی سەخت بوو، زۆربەی هەرەزۆری ستافی رۆژنامەکە رۆژیان لەچاپخانە کردەوە، دوای 14 رۆژ پشوو بۆ دابەشکردنی کاروبارەکان بەکاری ئیداریشەوە، رۆژی 26-01-1992 ژمارە(1) لەرۆژنامەی کوردستانی نوێ چاپو بڵاوکرایەوەو وەک رۆژنامەیەکی رۆژانە دەستی بەبڵاوکردنەوە کرد.
کوردستانی نوێ یەکەمین رۆژنامەشە کەداوای مۆڵەتی دەرکردنی لە
وەزارەتی رۆشنبیریوەزارەتی رۆشنبیری حکومەتی هەرێمی کوردستانکردووەو وەزارەتیش مۆڵەتی ژمارە یەکی بە رۆژنامەکە داوە.
لاپەرِەکانی رۆژنامەکە
لە ژمارەسفر تاکو ژمارە 81، رەنگی رۆژنامەکە رەشو سپی و سوورە. لەژمارە 82 تا 94 رەنگی رەش و سپی و سەوز بەکارهاتووە.لە ژمارە 95 تا 102 رەنگی رەش وسپی و سوور بەکارهاتۆتەوە. پاش ماوەیەک، زیاتر کار لەسەر رەنگی سەوزکراوە وەک سمبۆلی رەنگی ییەکێتیی نیشتمانیی کوردستان کە تاکو ئێستاش بەکارهێنانی ئەو رەنگە بەردەوامە، واتەرەنگی زاڵ، رەنگی سەوزە. بەڵام لەبۆنە تایبەتییەکاندا لاپەرِەکانی یەکەمو دوالاپەرِە کراونەتە رەنگاورِەنگ وپێنج ساڵ زیاتریشە رۆژنامەکە بەرەنگاو رەنگی دەردەچێت، بە تایبەتیش لاپەرِەکانی یەکەم و دوالاپەرِەو دوو لاپەرِە لە لاپەرِەکانی ناوەوە رەنگاو رەنگن. سەرەرِای دەرکردنی چەند پاش
کۆیەکۆیەکی رەنگاورِەنگ.
ئۆفیسی رۆژنامەکە
لەمانگی کانوونی دووەمی ساڵی 1992 تا رۆژی 31-08-1996 ئۆفیسی سەرەکی رۆژنامەکە لەشاری هەولێر بوو، لەو مێژووەوە تائەمرِۆ ئۆفیسی سەرەکیی لەشاری سلێمانییەو لەشارەکانی تریش نووسینگەی هەیە.
سکرتاریەتی نووسین
لەژمارە سفری رۆژی 1 02-01-1992 سکرتاریەتی رۆژنامەکە بەم شێوەیە لەسەر رۆژنامەکەدا نووسراوە:
سەرنووسەر: ئەرسەلان بایز، سکرتێری نووسین: ئازادجندیانی
لەژمارە 116ی رۆژی 16-06-1992 ناوی فریاد
رواندزرواندزی وەک بەرِێوەبەری نووسین خراوەتە سەر رۆژنامەکە.
لەژمارە 164ی رۆژی 13-08-1992 - ەوە ئازاد جندیانی بۆتە جێگری سەرنووسەر.
دوای ئەوەی پەرلەمانی کوردستان رەزامەندی لەسەر یاسای چاپەمەنییەکان دەربرِی، رۆژنامەی کوردستانی نوێ یەکەمین رۆژنامە بوو کە داوای مۆڵەتی رەسمی لە وەزارەتی رۆشنبیری حکومەتی هەرێمی کوردستان کرد، مۆڵەتی ژمارە یەکی پێدراو د.فوئاد مەعسوم بووە خاوەن ئیمتیاز و ناوی لەسەر رۆژنامەکە دانرا، ئەمەش لەژمارە 451ی رۆژی 02-08-1993 جێبەجێکرا.
لەژمارە 543ی رۆژی 203-11-1993 فەرەیدون عەبدولقادر لەجێگای ئەرسەلان بایز بۆتە سەرنووسەری رۆژنامەکە و جێگری سەرنووسەرو بەرِێوەبەری نووسین وەکو خۆیان ماونەتەوە.
رۆژی 23-01-1994 ناوی ئازاد جندیانی لەسەر رۆژنامەکە نەماوە.
لە ژمارە 596ی رۆژی 25-01-1994 ناوی فریاد رواندزی لەسەر رۆژنامەکە نەماوە. ناوەکان بەمجۆرە ماونەتەوە:
خاوەنی ئیمتیاز: د.فوئاد مەعسوم، سەرنووسەر: فەرەیدون عەبدولقادر
لەژمارە 1251ی رۆژی 01-04-1996 گۆرِانکاری لەسکرتاریەتی نووسیندا بەم شێوەیە کراوە:
خاوەن ئیمتیاز: د.فوئاد مەعسوم، سەرنووسەر: فریاد رواندزی، جێگری سەرنووسەر: دڵشاد عەبدوڵڵا
لەژمارە 1853ی 05-05-1999 گۆرِانکاری بەم شێوەیە کراوە:
خاوەنی ئیمتیاز: د. فوئاد مەعسوم، سەرنووسەر: فریاد رواندزی، جێگرانی سەرنووسەر: دڵشاد عەبدوڵڵا- ستران عەبدوڵڵا، بەرِێوەبەری نووسین: کاوە محەمەد.
لەژمارە 1886 ی رۆژی 21-06-1999 ناوی دڵشاد عەبدوڵڵا لەسەر رۆژنامەکە نەماوە.
لەژمارە 2188 ی رۆژی 03-07-2000 سەرنووسەری رۆژنامەکە گۆرِاوەو ستافی سکرتارییەتی نووسین بەم شێوەیە نووسراوە:
خاوەن ئیمتیاز: د. فوئاد مەعسوم، سەرنووسەر: مەحمود مەلاعززەت، جێگری سەرنووسەر: ستران عەبدوڵڵا
بەرِێوەبەری نووسین: کاوە محەمەد.
لەژمارە 2723 ی رۆژی 07-04-2002، ناوی کاوە محەمەد وەک سەرنووسەر چۆتە سەر رۆژنامەکەو جێگری سەرنووسەریش شێرکۆ مەنگورِی. پێشتریش کاوە محەمەد جێگری سەرنووسەرو شێرکۆ مەنگورِی بەرِێوەبەری نووسین بوون.
لەژمارە 4938ی رۆژی 31-07-2009 ناوی کاوە محەمەدو شێرکۆ مەنگورِی لەسەر رۆژنامەکە نەماوە. لەو ماوەیەی کە کاوە محەمەد سەرنووسەر بووە ناوی: کەژاڵ ئەحمەد، توانا ئەحمەد، جەمال عەبدوڵڵا، عەدالەت عەبدوڵلا وەک سکرتێری نووسین چۆتە سەر رۆژنامەکە. بەڵام لەماوەی جیاوازدا.
لەژمارە 4940ی رۆژی 02-08-2009، ناوی ستران عەبدوڵڵا وەک سەرنووسەر چۆتە سەر رۆژنامەکەو دوای سێ رۆژیش واتە رۆژی 05-08-2009 سکرتاریەتی نووسین بەم شێوەیە نووسراوە: کاروان عەلی، شیرین.ک، محەمەد کەریم. کە تا ئێستا ئەو ستافە بەردەوامن.
پاشکۆکان
کوردستانی نوێ، بەدرێژایی مێژووی دەرچوونی کەزیاتر لە بیست ساڵە بەبەردەوامی دەردەچێت، چەندین پاشکۆی دەرکردووە، کەبەشێکیان لەئێستادا نەماونو بەشێکیشیان ناوە ناوە دەردەچن، یان بۆ یەکجار دەرچوونە، لێرەدا ئەو پاشکۆیانە دەخەیەنە رِوو کە ئێستا بەردەوامن لەدەرچوون:
پاشکۆی ئەدەب و هونەر
رۆژی 28-01-1993 یەکەم ژمارەی پاشکۆی ئەدەبو هونەر بە چوار لاپەرِەی هەفتانە دەرچووە، لەقەبارەی تابلۆیددا بوو، لەناو رۆژنامەکە دادەنرا بەڵام بەخۆرِایی بوو، ریزبەندی لاپەرِەکانی سەربەخۆ بوو، بەشێک نەبوو لەریزبەندی لاپەرِەکانی رۆژنامەکە، ئەم حاڵەتە تا ژمارە 20ی پاشکۆکە بەردەوام بوو. بۆ ماوەیێک وەستاو پاشان دەستی بەدەرچوون کردۆتەوە. جارێکی تر وەستاوەتەوەو پاشان دەستی بەدەرچوونکردۆتەوە. بەگشتی دەکرێت تەمەنی ئەم پاشکۆیە بەسەر چوار قۆناغدا دابەشبکرێت. لەخوولی یەکەمو دووەمو سێیەمدا 174ی ژمارەی لێدەرچووە. لەخوولی چوارەم رۆژی 30-03-2000 بە 8 لاپەرەی سەربەخۆ دەرچۆتەوەو ژمارە 175 یپێدراوەو تائێستاش بەردەوامە.
سەرپەرشتیاری ئەم پاشکۆیە لە هەولێر، سەعدوڵڵا پەرۆش بووەو دوای ئەوەی رۆژنامەکە چۆتەسلێمانی، شیرین.ک بۆتە سەرپەرشتیار، پاشان سیامەند هادیو ئێستاش
مەریوانمەریوان مەسعود لێپرسراوی پاشکۆی ئەدەبو هونەرە.
ستادیۆم
سەرەتا وەک پرۆڤەیەک، بۆدەرکردنی پاشکۆیەکی هەفتانە، رۆژنامەی کوردستانی نوێ، (3) ژمارەی تایبەتی پاشکۆی (ستادیۆمی پەروەردە)ی دەرکردووە کە تایبەت بوو بەخوولە وەرزشییەکانی نێوان هەڵبژاردەکانی پەروەردەی هەرێم. ئەو (3) ژمارەیەش، بەم شێوەیە بڵاوکراوەتەوە: رۆژی (16-03-2002) ژمارە یەک. رۆژی (30-03-2002) ژمارە دوو.رۆژی (01-05-2002) ژمارە سێ.
دواتر رۆژی (21-07-2002) یەکەم ژمارەی وەک پاشکۆیەکی هەفتانە بڵاوکرایەوەو (29) ژمارەی بە قەبارەی (A4) لێدەرکرا، دوا ژمارەی لەرِۆژی (18-02-2003)دابوو، بەهۆی هاتنە پێشەوەی پرۆسەی ئازادی عیراقەوە وەستێنرا.
پاشان هەر بە هەفتانە درێژە بەدەرکردنی پاشکۆکە درایەوەو رۆژی (15-06-2005) ژمارە (30)ی لێدەرکرا، رِۆژی (22-05-2007)، ژمارە (75) ی لێدەرکراوە.
لە ژمارە (76)داو لەرِۆژی (01-06-2006)دا کراوە بەرِۆژانەو تائێستاش بەردەوامە. ستافەکەی پێکهاتوون لە سەرپەرشتیار: ئیسماعیل مەحمود، جێگری سەرپەرشتیار: سەنگەر زرار، بەڵام ئەوە چەندساڵێکە تەنیا ناوی ئیسماعیل مەحمود وەک سەرپەرشتیار لەسەر پاشکۆکە ماوە.
خێزانی کوردستانی نوێ
پاشکۆیەکی هەفتانەیە، لەرۆژی 08-12-2009 یەکەمین ژمارەی دەرچووەو گرنگی بەمنداڵو کاروباری خێزانو ناوماڵ دەدات. چوار لاپەرِەیە، سەرپەرشتیارەکەی رۆزا دڵشاد مەریوانی بوو، پاشان سەرپەرشتیارەکەی گۆرِاوە بۆ کۆسار عوسمانو ئێستاش بەشێوەیەکی کاتی راوەستاوە.
کاکێشان
پاشکۆیەکی هەفتانەیە، تایبەتە بەبوارەکانی زانستە مرۆڤایەتییەکانو فەلسەفەو جیهانبینی نوێ بۆ رووداوەکان. یەکەمین ژمارە رۆژی چوارشەممە 25-08-2010، بە 12 لاپەرە دەرچووە، تائێستاش بەردەوامە. سەرپەرشتیار: مەحمود شێرزاد.
کەشتی نوح
پاشکۆیەکی هەفتانەی تایبەتە بەبوارەکانی زانستو زانیاری نوێ، ژمارەی یەکەمی لەرِۆژی 11-10-2011 دەرچووە، ئێستاش بەردەوامە.4 لاپەرِەیە. سەرپەرشتیاران: هێرۆ جەزا، تارا شێخ عوسمان.
کوردستانی گەنج
سەرەتا مانگی جارێک بە 12 لاپەرِە دەرچووە، پاشان دوو هەفتە جارێک دەرچووەو بۆتە 8 لاپەرِە. تایبەتە بە گەنجان. ژمارە 1 رۆژی 25-01-2011 دەرچووە سەرپەرشتیار: پشتیوان زاهیر بوو، لە ئێستاشدا سەرپەرشتیارەکەی بووە بە مەحمود نەجمەدینو بەردەوامە لەدەرچوون.
ئەدگار
پاشکۆیەکی تایبەتەو ناوبەناو دەردەچێت. تایبەتە بەکەسایەتییەکانی بواری ئەدەبو نووسینو هونەرمەندان. ژمارە 1 رۆژی 16-12-2010 دەرچووە. ئەم ژمارەیە تایبەتە بە شاعیرو نووسەر کەریم دەشتی. هەشت لاپەرِەیە. دووەمین ژمارە تایبەتە بە رۆماننوسو نووسەر محەمەد موکری رۆژی 04-04-2011 بە 44 لاپەرِە دەرچووەو لەئێستاشدا بەردەوامە لەدەرچوونو مەریوان مەسعود سەرپەرشتی دەکات.
سەرنج: هەندێک پاشکۆی سیاسیی و فیکریو بۆنە هەیە، ناوبەناو دەردەچێت لەژێر ناویشانی جیاجیا لەوانە: دۆسێ، دوورِیانو هیتر.
زنجیرەی کتێبە چاپکراوەکانی کوردستانی نوێ
رۆژنامەی کوردستانی نوێ هەر لەگەڵ ساڵی یەکەمی دەرچوونیدا دەستی بەچاپکردنو دەرکردنی کتێبو نامیلکە کردووە. یەکەمین کتێب کە چاپیکردبێت، راپۆرتی سیاسی بوو، کە هەڤاڵ مام جەلال لەکۆنگرەی گشتی یەکێتیی نیشتمانیی کوردستاندا ساڵی 1992 پێشکەش بە ئەندامانی کۆنگرەی کرد. دووەم کتێب، نامیلکەیەک بوو لەنووسینی مام جەلال کە بانگەوازێک بوو بۆ حزبو دەستەو رێکخراوو گروپە چەپەکان بۆ یەکگرتنەوەیان لەگەڵ یەکێتیی نیشتمانیی کوردستاندا، تائێستا پرِۆسەی چاپکردنی کتێب بەردەوامە، ئەمساڵ ساڵی کتێبە چاپکراوەکانی کوردستانی نوێ بووە، کە زیاتر لە 20 کتێبی چاپکردووە و لەئێستاشدا چاپکردنی کتێب بەردەوامە.
[1]| 🗄 سەرچاوەکان |
| [1] | 📡 ماڵپەڕ | 🏳️ کوردیی ناوەڕاست | ماڵپەڕی کوردستانی نوێ |
|
| 📷 فایلی وێنە |
1.0.3 | 20 KB |
| |
Jan 11 2019 4:59PM | هاوڕێ باخەوان |
| 📷 فایلی وێنە |
1.0.2 | 35 KB |
| |
Jan 11 2019 4:57PM | هاوڕێ باخەوان |
| 📷 فایلی وێنە |
1.0.1 | 20 KB |
| |
Jan 14 2010 4:38PM | هاوڕێ باخەوان |