عارف کەریم قوربانی
نووسەر و ڕۆژنامەنووس و میدیاکار و چالاکی ئەنفال

$ژیاننامە$
لە بەهاری ساڵی 1970 لەدایکبووە و لە گوندی بنگرد و #کەرکووک# ژیاوە، بەڵام لە بنەڕەتدا خەڵکی گوندی حاسڵی ناوچەی #شارەزور#ن.
بەهۆی ئەوەی باوکی فەرمانبەر بووە لە ڕێگاوبانی #کەرکووک# بەشێکی ژیانیان لە #کەرکووک# بووە تا ساڵی 1981، دواتر بەهۆی فەسڵکردنی باوکییەوە بەیەکجاری دەگەڕێنەوە بۆ لادێ، تا کۆتایی ساڵی 1986 لە گوندی بنگرد سەر بە ناوچەی شوان ژیاوە.
لەگەڵ دەستپێکردنی پڕۆسەی ڕووخاندنی گوندەکانی نزیک شارەکان، گوندەکەی ئەمانیش ڕوخێندراوە و چوونەتە #چەمچەماڵ# تا ساڵی 2003.
لەگەڵ ڕزگارکردنی #کەرکووک# گەڕاونەتەوە شاری #کەرکووک# و لەوێ نیشتەجێ بوون تا سەرەتای ئەیلولی 2007 بەهۆی ئەو دیدارو وتارە ڕەخنەییانەی بەرانبەر بە دەسەڵاتدارانی #کورد# و کەمتەرخەمییەکانیان بەرانبەر بە شاری #کەرکووک#، بە بڕیاری #مام جەلال# سکرتێری گشتی #یەکێتیی نیشتمانی کوردستان# و سەرۆک کۆماری ئەوکاتی #ئێراق# لە #کەرکووک# دەردەکرێت و دەچنە (بان موغان) کە دەکەوێتە نێوان #چەمچەماڵ# و #کەرکووک# لەوێ دەمێننەوە تا کۆتایی ساڵی 2019.
لە سەرەتای ساڵی 2020 بەیەکجاری #کوردستان# بەجێ دەهێڵێت و لە وڵاتی #ئەڵمانیا# وەک پەنابەر و دوور لە زێدی خۆی ژیان دەکات.

$ئاستی خوێندن$
بڕوانامەی بەکالیۆرسی هەیە لە زانستە مرۆییەکان، بەشی ڕاگەیاندنی #زانکۆی سلێمانی# ساڵی خوێندنی 2013 بۆ 2014.

$لە بواری نووسین و کاری ڕۆژنامەوانی و میدیایی$
لە سەرەتای تەمەنی لاوێتییەوە هەڵبەست و چیرۆکی نووسیووە و لە ساڵی 1991 یەکەم بەرهەمی هەڵبەستی بەناوی (تەم و دوکەڵ) بڵاوکردووەتەوە. بەدوای ئەویشدا لە ساڵی 1992 نامیلکەیەکی هەڵبەست و چیرۆکی پێکەوە چاپکردووە بەناوی (کەڕنەڤاڵی مەرگ). دواتریش دوا بەرهەمی ئەدەبی ساڵی 1993 چاپکردووە قەسیدەیەکی هەڵبەستییە بەناوی (مارشی نەبەزین).
لە ساڵی 1992 سەرنووسەری گۆڤاری (چەرموو) بووە کە #کۆمەڵەی خوێندکارانی کوردستان# لقی #چەمچەماڵ# دەریدەکرد.
لە ساڵی 1995 تا 1998 دەستەی نووسەران و دواتر سەرنووسەری گۆڤاری (ئاران) بووە.
ئەندامی دەستەی نووسەرانی گۆڤاری (حەمرین) بووە کە مەڵبەندی دووی ڕێکخستنی کەرکووک دەریدەکرد.
ئەندامی دەستەی نووسەرانی گۆڤاری (ئەنفال) بووە کە #وەزارەتی ڕۆشنبیری# #حکومەتی هەرێمی کوردستان# ئیدارەی #سلێمانی# سپۆنسەری دەکرد.
لە چەندین بڵاوکراوەی مەڵبەندی ڕێکخستنی #کەرکووک# لە ساڵانی 1996 تا 2003 چی ڕۆژنامە بووبێت یان گۆڤار لە دەستەی نووسەرانیدا بووە.
لە ساڵی 1994 بۆ یەکەمجار مەڵبەندی ڕێکخستنی #کەرکووک#ی #یەکێتیی نیشتمانی کوردستان# ڕادیۆی تایبەت بە مەڵبەندی دامەزراند بەناوی ڕادیۆی (باباگوڕگوڕ) کراووە بە بەڕێوەبەری ڕادیۆ.
لە دوای ڕووداوەکانی #شەڕی ناوخۆ# و بەدیاریکراوی دوای 31ی ئاب و گەڕانەوەی #یەکێتیی نیشتمانی کوردستان# بۆ شارەکان و لە سەرەتای ساڵی 1997 بۆ جارێکی تر مەڵبەندی کەرکووک ڕادیۆیەک و بناغەیەی کەناڵێکی تەلەڤزیۆنی دامەزراند بەناوی #کەرکووک# و لە #چەمچەماڵ#ەوە پەخش دەکرا، کراوەتەوە بە بەڕێوەبەر تا ساڵی 2000.
لە ساڵی 2001 بووە بە سەرنووسەری گۆڤاری (بەهرە) کە #ڕێکخراوی ئازادی لاوانی کوردستان# دەریدەکرد.
لە دوای گەڕانەوەی #کورد# بۆ #کەرکووک# ساڵی 2003 لە #کەرکووک# ڕۆژنامەیەکی سیاسی سەربەخۆیان دەردەکرد بەناوی (گەڕانەوە) خاوەنی ئیمتیاز بووە و لە هەمانکاتدا لێپرسراوی بەشی ڕاگەیاندن و ڕووناکبیری مەڵبەندی ڕێکخستنی کەرکووکی #یەکێتیی نیشتمانی کوردستان# بووە کە دوو بڵاوکراوەیان بە زمانەکانی #کوردی# و #عەرەبی# بڵاودەکردەوە (کەرکووکی نوێ)و (کرکوک الجدیدە).
لە ساڵی 2004 لەسەر ڕاسپاردەی #مام جەلال# ئەرکی دامەزراندنی دامەزراوەیەکی میدیای پێسپێردراوە و کەناڵێکی تەلەڤزیۆنی و چاپخانەیەکیان دامەزراند و بووەتە بەڕێوەبەر تا ئەیلولی 2007 کە لە تەلەڤزیۆنی کەرکووک و چاپخانەی ئازاد هەوارمی بوون.
لە کۆمەڵەی ڕووناکبیری #کەرکووک# جێگری سەرۆکی کۆمەڵە بووە تا هاتنە دەرەوەم لە #کوردستان#.
لە سەرەتای ساڵی 2008 بووە بە سەرنووسەری ڕۆژنامەی (ئاسۆ) کە ڕۆژنامەیەکی ڕۆژانە بوو دەزگای خەندان بۆ پەخش و وەشاندن دەریدەکرد.
لە ساڵی 2011 بووە بە سەرۆکی دەزگای خەندان بۆ پەخش و وەشاندن. کە خاوەنی گۆڤاری الاسبوعیە بوو بە زمانی عەرەبی و گۆڤاری کۆپرلو بە تورکمانی و گۆڤاری هەفتانە بە زمانی عەرەبی و ماڵپەڕی هەواڵی خەندان.

$لە بواری نووسین$
لە زۆربەی ڕۆژنامە و گۆڤارەکان بابەت و لێکۆڵینەوەی بڵاوکردووەتەوە، لە چەندین ڕۆژنامە و گۆڤاردا گۆشەی تایبەت بە خۆی هەبوو چ بەشێوەی ڕۆژانە یان هەفتانە.
دەیان پەرتووکی نووسیووە دەربارەی #کەرکووک# و #ئەنفال#.
زۆرترین پەرتووکەکانی بۆ زمانە جیاجیاکان وەرگێڕدراوون بەتایبەت بۆ زمانەکانی (ئینگلیزی، عەرەبی، فارسی، تورکی، فەڕەنسی، فینلەندی). هەروەها سێ پەرتووکی بە شێوەزاری کرمانجی ژورو بۆ پیتی لاتینی وەرگێڕدراوون.

$لە بواری ڕێکخراوەیی$
لە دوای ڕاپەڕینی ساڵی 1991 یەکێک لە دامەزرێنەرانەوەی #کۆمەڵەی خوێندکارانی کوردستان# بووە و تا ساڵی 1993 لە کۆمەڵەی خوێندکاران کاری کردووە.
یەکێک بووە لە دەستەی دامەزرێنەرانی #ڕێکخراوی ئازادی لاوانی کوردستان# و ساڵی 2000 ئەندامی مەکتەبی سکرتاریەت بووە.

$لە بواری کاری حیزبی$
لە ئەندامی شانەی ڕێکخستنەوە لەناو #یەکێتیی نیشتمانی کوردستان# قۆناغ بە قۆناغ پلەکانی بڕیووە و تا دوا پلە کە ئەندامی مەکتەبی ناوەندی #ڕاگەیاندنی یەکێتیی نیشتمانی کوردستان# بووە.
لە ساڵی 2006 تا 2012و بەهۆی نووسینی وتارێکەوە لەسەر نوری مالکی سەرۆک وەزیرانی #ئێراق#، بە بڕیاری #مام جەلال# سکرتێری گشتی #یەکێتیی نیشتمانی کوردستان# و سەرۆک کۆماری ئێراق لە مایسی 2012 لە ڕیزەکانی #یەکێتیی نیشتمانی کوردستان# دورخراوەتەوە بەیەکجاری.
لە ساڵی 2012 وەک نووسەر و ڕۆژنامەوانێکی سەربەخۆ لە دەزگا جیاجیا میدییاکانی کوردستاندا وتارو دیدارەکانی بڵاودەکاتەوە.

$بەشێک لەپەرتووکەکانی بە زمانی کوردی$
1- تەم و دوکەڵ -هەڵبەست
2- کەڕنەڤاڵی مەرگ -هەڵبەستو چیرۆک
3- مارشی نەبەزین -هەڵبەست
4- کۆچ و کۆچپێکردن هۆکارو بنەماکانی-لێکۆڵینەوەیە لەسەر کۆچ
5- سەید جەوهەر جەوهەر بوو بۆ کوردستان
6- شایەتحاڵەکانی ئەنفال بەرگی یەکەم 2001
7- شایەتحاڵەکانی ئەنفال بەرگی دووەم 2002
8- شایەتحاڵەکانی ئەنفال بەرگی سێیەم 2003
9- شایەتحاڵەکانی ئەنفال بەرگی چوارەم 2007
10- گەڕانەوە بۆ کەرکووک
11- کەرکووک و پاکتاوی ڕەگەزی لە بەڵگەنامەکانی بەعسدا بەرگی یەکەم 2003
12- کەرکووک و پاکتاوی ڕەگەزی لە بەڵگەنامەکانی بەعسدا بەرگی دووەم 2004
13- لە بارەی کەرکووکەوە
14- دەربارەی کەرکووک
15- کورد و جەبهەی تورکمانی
16- کێ کەرکووکی داگیرکردووە
17- دیدێکی جیاواز بۆ کەرکووک
18- مەترسییەکانی بەهەرێمکردنی کەرکووک
19- لەبارەی گۆڕی بەکۆمەڵی مناڵە ئەنفالکراوەکانەوە
20- گۆڕی بەکۆمەڵ لەمیدیای کوردیدا
21- حەپسە ئەنفالی #هەڵەبجە#
22- گەلاوێژ ئەنفالی هەڵەبجە
23- زارا ئەنفالی هەڵەبجە
24- شەمیلە
25- لە تۆپخانەوە بۆ عەرعەر
26- عوزێر ڕزگاربوی ناو گۆڕی بەکۆمەڵی گەنجە ئەنفالکراوەکان
27- لە ئوم ڕێعانەوە بۆ تۆپزاوا ئەو سایەق شۆفڵەی ئەنفالەکانی داپۆشی
28- زەروریەتی خۆنوێکردنەوەی یەکێتیی
29- رەمەزان ڕزگاربوی گۆڕی بەکۆمەڵ
30- واحید کۆچانی ڕزگاربووی کۆڕی بەکۆمەڵ
31- تەیمور تاکە ڕزگاربووی گۆڕی بەکۆمەڵی ژن و مناڵە ئەنفالکراوەکان
32- نێرگز لە دۆزەخی ئەنفالدا
33- هەڵهاتن لە عیراق

$پەرتووکە وەرگێڕدراوەکانی$
13 پەرتووکی دەربارەی جینۆسایدی کورد وەرگێڕدراون بۆ سەر زمانی ئینگلیزی.
15 پەرتووکی بۆ زمانی فارسی وەرگێڕدراوە.
1 پەرتووکی بۆ زمانی فینلەندی وەرگێڕدراوە.
2 پەرتووک بۆ زمانی فەڕەنسی وەرگێڕدراوە.
1 پەرتووک بۆ زمانی تورکی وەرگێڕدراوە.
3 پەرتووک بۆ سەر شێوەزاری کرمانجی ژورو بەپیتی لاتینی وەرگێڕدراوە.
9 پەرتووک بۆ زمانی عەرەبی وەرگێڕدراوە.[1]