لە دایکبوی 23-10-1977 لە سلێمانی. قۆناغی سەرەتایی و ناوەندیم لە شاری ڕانیە تەواوکردوەو دوابەدوای قۆناغی دواناوەندی شەشی ئامادەیی لە کۆلیژی پەروەردەی وەرزشی هەولیر وەرگیرام لە سالی 1997، بەلام بەهۆی نالەباری بارودۆخی سیاسی و شەری ناوخۆوە، نەمتوانی لەو بوارە بەردەوام بم و خویندنەکەم گواستەوە بۆ شاری سلێمانی و دامبەزاند بۆ پەیمانگا چونکە ئەوکات کۆلیژی پەروەردەی وەرزشی لە سلێمانی نەبو. بروانامەی دبلۆمی بالام لە پەیمانگای مەلبەندی مامۆستایان بەشی زانستی بیرکاری، لە سلێمانی پیبەخشرا لە سالی 1999. هەر لە سالی 1997 لەسەرتای دامەزراندنی سەنتەری چالاکی گەنجانەوە بومە ئەندام و دوای دەرچونم لە پەیمانگاش، هەر لە سنتەری گەنجان وەک کارمەند دامەزرام هەر لەو ڕییەشەوە لە چەندین چالاکی هونەریدا بەشداریم هەبوە، بۆ نمونە لەگەل چەند هاورییەکی شاعیرو چیرۆکنوسدا لە سالەکانی 1997، 1999، 1998 ئیوارە کۆری شیعرییمان هەر لە سەنتەری گەنجان هەبوە، ئەوانیش کاکە گۆران عومەر ڕەشیدی جوانەمەرگ و ئەیوب ڕەزا و نەشمیل بون، هاوکات هەموان کارمەندبوین لەوی. تا ئەپریلی سالی 2000، دواتر وەک کارمەندیکی حکومی لە وەزارەتی کارو کاروباری کۆمەلایەتی دامەزرام. ئەم وەزارەتە، بەشیک بو لە وەزارەتی تەندروستی جیابۆوە لەو سالەدا، نەرمین عوسمان وەزیری بوو.
هەر لە سالی 2000 مانگی 7 لە لایەن سەنتەری ڕاگەیاندن وروناکبیری ژنان، لەگەل هاوریی زۆر نزیکم سەردەشت عبدول ڕەحمان بانگهیشت کراین بۆ کارکردن لەگەلیاندا. ئیمەش پیشنیارەکەمان لا پەسەند بو، لەویوە دەستمان کرد بە کاری جددی لە ڕۆژنامەی ڕیوان، کە ئەوکات هیشتا هەر بە ناوی ژیانەوەوە دەردەچو. ماوەی 2 سالیک لەوی کارمانکرد، لەو ماوەیەدا جگە لەوەی چەندین وتارو ڕیپۆرتاژم بۆ ڕۆژنامەکە دەنوسی هاوکات لەرپرسی لاپەرە 4 ی ڕۆژنامەکە بوم کە لاپەرەی ئەدەب و هونر بو. ئەم سەنتەرە ڕوناک ڕەئوف بەرپرسی سەرەکی بو تیایدا دوای ئەویش هەریەک لە هاوژین مەنمی و ڕوناک فەرەج سەرنووسەر و بەریوەبەری نوسین بون. تەلار نادر و کۆرال تۆفیق و هاناشوانیش دەستەی سەرەکی نووسەرانی بون.
پاشان لەگەل سەردەشت دا لە ڕۆژنامەی هاولاتییەوە پیشنیاری کارکردنمان بۆکرا وەک ڕۆژنامەنوس. ئیمەش بەهۆی ئەوەی زیاتر ئارەزومان بو کە لە میدیایەکی ئازاددا کاربکەین، کە هیچ پەیوەندییەکی بە کاری حیزبی و ململانیی ناو حیزبەوە نەبیت. بۆیە لەسالی 2002 لە هاولاتی دەستمان کرد بەکاری ڕۆژنامەوانی. چەندین ڕاپۆرت و ڕیپۆرتاژی مەیدانی وبەدواداچون و چاوپیکەوتن و هەوالی سیاسی و کۆمەلایەتیمان بۆ ڕۆژنامەکە ئامادە دەکرد. کاری ڕۆژنامەوانیمان ڕاستەوخۆ لە دوای تەواوبونی کاری وەزارەتەوە دەستی پیدەکرد.
ئەوەبو بەهۆی خۆشەویستیم بۆ بوارەکەو زیاتر حەزکردن بە ئەکادیمی کردنی کارەکانم لەبوارەکەدا، لە سالی 2003 داواکاریم پیشکەش بە وەزارەتی خویندنی بالا، کرد بە مەبەستی دریژەدان بە خویندن. لەووە لە کۆلیژی زانستە مرۆڤایەتییەکان بەشی ڕاگەیاندن وەرگیرام.
هەر لە 2003 لەگەل ئامینە مەحمودی پاریزەرو ئاسۆ جەباری نووسەرو ڕۆژنامەنوس و ئارام جەمال کە ئیستا بەریوەبەری ڕیکخراوەکەیە، دەستمان کرد بە کاری ڕیکخراوەیی لە پەیمانگای کوردی بۆ هەلبژاردن کە چاودیری هەلبژاردنەکانی کوردستان و عیراقمان ئەکرد لەسەر بنەمای پیوەرو پرەنسیپە نیونەتەوەییەکان.
لە سالی 2006 بە هۆی هاوسەرگیرییەوە سەفەرمکرد بۆ ولاتی نەرویج. کارو چالاکییەکانم لە بواری ژناندا لیرەش بەردەوامی هەیەو لەگەل گروپیک لە ژنان بە ناوی کڤیننە ئوتڤالگت لە (ر.ک.ر) چەندین کۆر وسیمنارمان بەمەبەستی زیاتر هوشیارکردنەوەو زانیاری بەخشین بە زمانی کوردی و نەرویجی پیشکەش بە کوردانی دانیشتوی ولاتی نەرویج کردوە. بابەتەکان پیکهاتبون لە کچ بەزۆر بەشودان و توندوتیژی خیزانی و دیاردەی خەتەنەکردنی کچان لە کوردستان.
بۆ ئەمسالی خویندن، خویندکاری کۆلیژی زانستە سیاسیەکانم لە بەشی مافی مرۆڤ و لیک تیگەیشتن لە نیوان کەلتورە جیاوازەکان
سالی 2006 ژیانی هاوسەریم پیکهیناوەو هاوسەرەکەم ناوی ئارام لەتیفە کچیکی 3سالو نیوم هەیە بە ناوی ئیلیا.