ئارمانجا دەولەمەندکرنا بیاڤێ تەکنەلوژی و زانستێ کومپیوتەر و ئەنتەرنێتێ، ل ڤان چەند رۆژێن بوری، ئێکەم ژمارا کوڤارا ستارت کوردستان ل نۆڤەری 2009 ل دهۆکێ ژ بن چاپێ دەرکەفت.
رۆژنامەنڤیس رەقیب مەحمود سەرنڤیسەرێ کوڤاری، تایبەت بۆ ئاژانسا پەیامنێر گوت ئارمانج ژ هەبوونا ڤێ کوڤارا نوو هن خالن ژوان، بەلاڤکرنا رەوشەنبیریا تەکنەلوژی دا پتریا خەلکی و ب تایبەت تەخا لاوان ل ڤی وەلاتی ببنە خودان رەوشەنبیرییەکا زانستی و هزرەکا ڤەکری لسەر دیروک و پاشەرۆژا تەکنەلوژیایێ هەبیت و نڤیسکارێن تایبەتمەند د بیاڤێ زانستی و تەکنەلوژی دا پەیدابکەین و خواندەڤانی ژی بۆ ئامادەبکەین.
رەقیب مەحمودی گوت ژی کوڤارا مە دێ پوویتەکێ باش دەتە کومپیوتەر، ئەنتەرنێت و موبایل و مە ل بەرە دژمارێن بهێت دا ژمارا بەرپەرێن وێ زێدەتربن و باشتر پووتە و گرنگیێ ب زانست و ب یاڤێ هزری بدەت و د ڤێ قووناغێ دا چ کەس و لایەن هاریکاریا مە ناکەت، ئەم وەک سەرنڤیسەر و دەستەیا نڤیسینێ خەرجی یێن وێ ب ستویێ خوڤە دگرین.
دڤێ ژمارا نەخریا ستارت کوردستاندا هن بابەتێن گرنگ مینا چەوانیا ب دەستڤەئینانا ئیمایلێ گۆگل و برێکێ ڤە ویندۆز هەفت و پاراستنا فایلێن وۆرد 2003 و 2007 و دیروکا تێلەفۆنێن هەلگر و راپورتەک ل ژێر ناڤێ 74% ژ خەلکێ دهۆکێ کومپیوتەری ب کاردئینن بەلاڤبوینە.
رۆنامەنڤیسا دهۆکێ پەروین عەبدولعەزیز خودانا ئیمتیازا کوڤارێ یە و کومەکا رۆژنامەڤانێن لاو مینا (لوتفی ئەحمەد، عەبولعەلیم شوکری، مێڤان تاها، سەلاح شێخو، موراد عومەر، بەیار ئامێدی، شێرزاد جەعفەر، سلێمان ئەحمەد و ناجی بەدەل) تێدا کاردکەن.
ئێکەم ژمارە ژ ڤێ کوڤارێ ب 50 بەرپەران دەرکەفتیە و ب ئێکەم بەرهەم وکارێ زانستی و تەکنەلوژی یێ راگەهاندنێ ل پارێزگەها دهۆکێ دهێتە نیاسین.