ناو: هانی
نازناو: موجتەهیدی
ساڵی لەدایکبوون: #1980#
شوێنی لەدایکبوون: #سنە#
$ژیاننامە$
هانی موجتەهیدی لە دایکبووی ساڵی 1980 لە شاری سنە لە ڕۆژهەڵاتی کوردستان، ژیانی هاوسەرگیری پێک هێناوە بەڵام سەرکەوتوو نەبووە و جیابووەتەوە خاوەنی دوو منداڵە کوڕێک و کچێک کە لە لای خۆی دەژین و هەندێک جاریش سەردانی باوکیان دەکەن، لە قۆناغی سەرەتایییەوە لە سنە خوێندوویەتی تا گەورە بووە، هەر لە منداڵییەوە هۆنراوە و پەخشانی نووسیوە و دەستی وێنە کێشانی هەبووە و شانۆگەری ئەنجام داوە، وە لە ساڵی 2000 دەستی کردووە بە وتنی گۆرانی و چڕکردنەوەی چالاکییەکانی، لە وڵاتی ئێران لە ئەکادیمیای تایبەتی خوێندوویەتی و ئەو هونەر و مۆسیقا و گۆرانییەی کە فێری بووە لە خزمەتی نیشتمانەکەی خۆیدا بەکاری هێناوە، هەروەها هەر لەو سەردەمەدا لەگەڵ چەند خانمێکی تردا دەستەیەکی هونەری کچانەیان درووستکردووە کە بە هەموو شارەکانی کوردستان دا گەڕاوە و ناویان ناوە (ڤیان) ، هانیش وەک گۆرانیبێژی دەستەکە بەشدار بووە، کە ئەمەش بە سەرەتای کاری هونەری هانی دادەنرێت، وە خاوەنی چەند ئەلبوومێکە لەوانەش ئەلبوومی یەکەم بە ناوی سەندرێلا لە ساڵی 2009 بڵاوکراوەتەوە و ئەلبوومی دووەم بە ناوی دایک لە ساڵی 2010 بڵاوکراوەتەوە.[1]