ساڵی 1952 لە شارۆچکەی #ئاغجەلەر# لەدایکبووە. خوێندنی سەرەتایی و ناوەندیی هەر لە ئاغجەلەر تەواوکردووە و لەساڵی 1977 خانەی مامۆستایانی لە#سلێمانی# تەواوکردووە. پاشان پێوەندییکردووە بە (#کۆمەڵەی ڕەنجدەرانی کوردستان#) ەوە، دوای ماوەیەکی کەم بووەتە لێپرسراوی ڕێکخستنەکانی ناو ئاغجەلەر. چەند جارێک زیندانی کراوە. دوای ئازادبوونی٬ ساڵی 1981 دەبێتە پێشمەرگە لەهەرێمی (2)ی #کەرکووک#ی ئەوسا، بەزوویی پلەکانی پێشمەرگایەتی دەبڕێت و دەبێتە فەرماندەی کەرت. دواجار لەرۆژی #02-10-1982# لەشەڕێکی دەستەویەخەدا لەگوندی #چەرمەگا# لەگەڵ دوو پێشمەرگەی دیکەدا دەچنە ڕیزی کاروانی نەمرانەوە کە ئەوانیش : مەلا عەبدولرەحمان و شەماڵ سلێمانی بوون.