ئەڤ پرەل سەر روبارێ خابور ل ڕوژهەلاتێ باژێرى هاتیە دەینان وگەلەک گوتن ل سەر چێکرنا وێ هەنە (هەمرتین) دبێژیت یا رومانى یە (ئەسکیف) دبێژیت یا یونانى یە و(سلوقس)ى فەرمانا ئاڤاکرنا وێ دایە کو ئێک ژ سەرکردێن ئەسکەنەدرێ مەقدونى بوویە، هندەک شینوار ناسێن رێڤەبەریا شینوارێن عیراقى هزر دکەن کو دبیت ئێک ژ سوڵتانێن بادینان ئاڤا کربیت لێ یا دروست ئەوە کوو ئەڤ پرە ل سەر شینوارێن ئێکا کەڤن تر یا هاتیە ئاڤاکرن ودبیت ئێک ژ میرێن بادینان ئەف پرە نویژەن کربیت و داستانەکا سترانا کوردى ل دور ئاڤاکرنا پرێ هەیە، درێژیا وێ (114) م وفرەهیا وێ (4،70)م و (15،50) م ژ ئاڤا روبارى یا بلندە هەمى ب بەرێ نەخشەکرى هاتیە دروستکرن و قەنتەرەکا مەزن وفرەە ل نیڤا وێ هەیە و (5) قەنتەرێن بچیکتر ل هەردوو رەخێن وێ هەنە، دیوارێن وێ ب بەرێن مەزن وب نەخشە هاتینە نژنین وکەرەستێ کسلێ بو ئاڤاکرنێ هاتیە ب کار ئینان وگەلەک ب شارەزایى هاتیە ئاڤاکرن ومێژویا ئاڤاکرنا وێ نە هاتیە زانین چونکو چ پەیکەر ونەخشە ل سەر نینن هەتا مێژویا وێ بهێتە زانین.
ناڤێ پرا دەلال ل دەف خەلکێ زاخو یێ کەڤنە وهندەک ژخەلکێ تاخێن وێ دبێژنێ پرا مەزن وناڤێ پراعەباسیێ ناڤەکێ نوى یە ل سالێن سیهان ژ چەرخێ بورى ل سەر هاتیە دانان ب فەرمانەکا رەسمى یا قایمقامێ قەزا زاخو یێ وى سەر دەمى شوینوار نیاس (کونرادبرویس) ل 15/نیسانا/1909 دەمێ سەرەدانا پرێ کرى ب ناڤێ پرا خا بور نافکر.[1]
Αυτό το στοιχείο έχει γραφτεί σε (کرمانجی - کوردیی سەروو) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Αυτό το στοιχείο έχει προβληθεί φορές 19,098